Новости

13.05.22

"Гуждор" нылпи фестиваль ортчиз "Лудорвай" музейын

Ӟеч сямлы пӧрме ини "Лудорвай" музей-заповедникын Дэри ёросысь нылпиос понна "Гуждор" фестивалез ортчытон. Кыкетӥ ползэ ни татчы люкаськизы, Лудорвай школалэн директорез Надежда Мерзлякова кичӧлтэм улсын, удмурт кылэз дышетӥсь пиналъёс.

12.05.22

"Мынам ошмесо шаере" акция ортче Удмуртиын

Ёрос но кар правлениосынымы берпуметӥзэ кенешонэз ортчытыку ялӥмы вал "Мынам ошмесо шаере" нимо акция. Кутскон солы ми сётӥмы огъя Росси субботник улсын. Али дыре азьветлӥсьёсмы дышетскись пиналъёсын, гуртоосынызы, мукет огазеяськонъёсысь ёзчиосын, шаертодосчиосын но вань мылкыд карисьёсын ӵош ошмесъёсты сузяло-утялто, соослэсь лыдзэс чаклало, ошмесъёслэн кылдэм историосынызы тодматско.

09.05.22

Быдӟым Вормон нунал

Туннэ быдэс кунмы Вормон нуналэз пусъе. Шаерысьтымы городъёсын но гуртъёсын митингъёс, парадъёс, пӧртэм ужрадъёс ортчыло. Ижкарысь кенешчиос но котьку сямен Быдӟым Вормон праздникез ӵошен пумитазы.

05.05.22

"Гербер" праздниклы дасясько Удмуртиын

"Гербер" улосвылкуспо йӧскалык шулдыръяськонлэн дырыз мактэктэ ни. Толон, 4-тӥ куартолэзе, нош ик люкаськылӥз праздникез дасянъя комитет. Кенешонэ озьы ик пыриськизы элькунысьтымы йӧскалык политикая министр Эдуард Петров но "Удмурт Кенеш" огазеяськонлэн Тӧроез Татьяна Ишматова.

04.05.22

Удмуртиын нырысьсэ ортчиз пӧлэстыса дышетонъя вожвылъяськон

Дэри ёросысь дышетӥсьёс понна "Мынам удмурт кылъя (литературая) пӧлэстэм уроке" вожвылъяськон ортчиз. Малпаз но радъяз сое Лудорвай шоръёзо школалэн директорез Надежда Мерзлякова.

26.04.22

"Бадӟым удмурт дикитант" акцилы йылпумъянъёс лэсьтӥзы

Диктантэз туэ гожтыны луиз "Мынам Удмуртие" радиолэн но телевидениелэн меӵак эфирез улсын, озьы ик каръёсын но ёросъёсын усьтэм площадкаосын. Удмуртиын сыӵе площадкаос ужазы 125 интыын, со сяна 30 площадкаос усьтэмын на вал мукет улосъёсын но.

20.04.22

Котырес ӝок сьӧрын кенешон ортчиз Сюмсиын

"Удмурт Кенеш" огазеяськонлэн Тӧроез Татьяна Ишматова туннэ Сюмсиын ужаз. Нырысь ик со "Точка роста" центразы вуылӥз. Отын школаысь но "Берёзка" нылпи садысь пиналъёс пластилинлэсь удмурт кылын мультфильмъёс лэсьто. Вуэм куноослы соос пӧрмытэм ужзэс возьматӥзы.

18.04.22

Удмуртиысь делегация пыриськиз Башкортостанын ортчем форуме

Башкортостанысь Улын Балтач удмурт гуртын «Территория трезвости» форум ортчиз. Солэн ужаз пыриськиз Удмуртиысь делегация но.

16.04.22

16-тӥ оштолэзе — Ашальчи Окилэн вордӥськем нуналыз

Туннэ, 16-тӥ оштолэзе, нырысетӥ удмурт нылкышно кылбурчилэсь Ашальчи Окилэсь (Акилина Григорьевна Векшиналэсь) вордӥськем нуналзэ пусйиськом. Та нунал Удмурт Элькунлэн праздник но дано нуналъёсыз сярысь катэн элькунмылэн дано нуналъёсыз пӧлы пыртэмын.

15.04.22

"Шудо калмезъёс" ужрад ортчиз Вавожын

Калмез выжыысь удмуртъёс - Вавож, Сюмси, Сьӧлта, Ува, Можга, Пичи Пурга ёросъёсын улӥсь кенешчиосмы - толон визь сынан шудонэ люкаськылӥзы. Оглом "Шудо калмезъёс" ужрадэ 12 команда пыриськиз.

15.04.22

Ижкарын удмурт кылын вӧсяськон ортчиз

Туннэ, 15-тӥ оштолэзе, "Удмурт Кенеш" огазеяськонлэн кичӧлтэмезъя Ижкарын Николай Чудотворецлы сӥзем черкын тупаса улон понна, ожгарчиосмес, калыкмес утьыны куронэн удмурт кылын вӧсяськон ортчиз.

14.04.22

"Шунды" огазеяськонлы выль тӧро бырйизы

Ижкарысь Калыкъёслэн эшъяськон юртазы егитъёслэн мерлыко "Шунды" огазеяськонзылэн йылпумъян-быръён ужрадэз ортчиз. Огазеяськонлэн азьыл кивалтӥсез Вадим Крестьянинов интызэ кельтэмез потӥз, соин ик дырызлэсь вазь конференция люкамын вал.

11.04.22

АФУН-лэн кенешонэз ортчиз

8-тӥ оштолэзе Россиысь финн-угор калыкъёслэн ассоциацизылэн Президиумез кенешонэ люкаськылӥз. Ужрадэз нуиз огазеяськонлэн кивалтӥсез Петр Тултаев.

10.04.22

Ӝож ивор...

Улонысь кошкиз Комаров Анатолий Анатольевич, "Удмурт Кенеш" огазеяськонлэн Можга кар но ёрос ёзэтэзлэн азьвыл кивалтӥсез.

08.04.22

Ашальчи Оки нимо премилэсь лауреатсэ пусйизы

Финн-угор кышномуртъёслэн форумзы улсын Ашальчи Оки нимо йӧскалык премилэсь лауреатсэ сӥё-дано пусйизы

08.04.22

Финн-угор нылкышноослэн улосвылкуспо форумзы ортчиз

Туннэ Алнаш ёросысь Улын Сыръезь гуртын финн-угор нылкышноослэн "Кышномурт – калык культуралэсь узырлыксэ утись" улосвылкуспо форумзы ортчиз. Со тупатэмын вал Калык лулчеберетъя кылёсбурлэн арезлы но нырысетӥ удмурт нылкышно кылбурчилэн Ашальчи Окилэн вордскем нуналэзлы.

02.04.22

Кенешчиос "Бадӟым удмурт диктант" акцие пыриськизы

Туннэ, 2-тӥ оштолэзе, элькунамы дас одӥгетӥзэ ини "Бадӟым удмурт диктант" акция ортчиз. Туэ со Удмуртиын ялэм Дышетонлэн арезлы сӥземын вал. Диктантлэсь текстсэ гожтӥз "Кенеш" журналлэн валтӥсь редакторез Анастасия Шумилова.

30.03.22

Россиын улӥсь выжы калыкъёслэсь лулчеберетсэс но анай кылзэс азинтон ужпумъёсъя котырес ӝӧк сьӧрын кенешон ортчиз

Ужрад радъяськиз Ижкарысь Калыкъёслэн эшъяськон юртазы Лулчеберет кылёсбурлэн арез улсын.

29.03.22

Финн-угор нылкышноослэн форумзы ортчоз

8-тӥ оштолэзе Алнаш ёросысь Улын Сырьезь гуртын финн-угор нылкышноослэн "Кышномурт – калык культуралэсь узырлыксэ утись" улосвылкуспо форумзы ортчоз. Со тупатэмын Калык лулчеберетъя кылёсбурлэн арезлы но нырысетӥ удмурт нылкышно кылбурчилэн Ашальчи Окилэн вордскем нуналэзлы.

28.03.22

Мер огазеяськонъёс кенешонэ люкаськылӥзы

Кылем арня пумын йӧскалык политикая министр бордын ялан ужась кенеш люкаськылӥз. Отчы пыриськизы мерлыко огазеяськонъёслэн кивалтӥсьёссы, Калыкъёслэн эшъяськон юртысьтызы ӧнерчиос.