Назад к Новостям
03.03.23
Анай кыллэсь калыккуспо нуналзэ пусйыса, Пичи Пургалан удмурт кылэз азинтонъя проектъеслы сӥзем "Кыл-хакатон "Удмурт-а тон?" семинар ортчиз.
Пичи Пургалан удмурт кылэз азинтонъя проектъеслы сӥзем семинар ортчиз
Кыл-семинарлэн ужаз мыло-кыдо пыриськизы Пичи Пурга ёросысь но Татарстанысь Агрыз ёросысь удмурт кенешчиос, удмурт кылъя дышетӥсьёс, лулчеберет удысысь ӧнерчиос, Пичи Пурга гимназиысь дышетскисьёс.

Семинар ӵоже кенешчиос "Асьмеос-куршыос!" выль ӵектос малпазы. Кызьы ивортӥз "Удмурт Кенеш" огазеяськемлэн Агрыз ёросысь азьветлӥсез Наталья Матвеева, куршы-бигер кыл, "бускель" шуэмез, пе, возьматэ, Бигер элькунын улӥсь удмуртъёс сое вераськоназы куто.

"Ӵектос азинтӥськоз бускель удмуртъёсын матэгес кусыпъёс тупатон вылысь, Брангурт, Эдэйгурт, Баграш-Бигра, Гожна , Вуж Монья гуртъёсысь удмурт мерлыко центръёсмы пыр," - пусйиз "Удмурт Кенеш" огазеяськемлэн Пичи Пурга ёросысьтыз ёзэтэныз кивалтӥсь Надежда Степанова.

Удмурт кылъя дышетӥсьёслэн командазы Александра Герасимова кивалтэм улсын "Зарни комок" модельной медиапроект бордын ужазы. Нош Пичи Пурга гимназиысь этноволонтеръёс Светлана Маслакова дышетӥсенызы ӵош Пичи Пурга черкогуртлэн историезъя видеороликъёлы сценарий малпазы.

Семинарын озьы ик тодматӥзы Пичи Пурга ёрос лыдӟиськон юртлэн удмуртлыкез азинтонъя "Выжыкыл студия", "Инву гурез утчаса", "Этноковоркинг Пурга татын" проектъёсыныз.

Семинарлэн кыкетӥ люкетаз Ёрос культура юртын "Пурга татын. Сӥлы инты" нимо ужрад ортчиз, отын #ПургаТатын интернет- вожвылъяськонлы йылпумъянъёс лэсьтӥзы.


Вступайте в наши группы в соцсетях

Присоединяйтесь