"Мынам ошмесо шаере" акция ортче Удмуртиын
12.05.22
Ёрос но кар правлениосынымы берпуметӥзэ кенешонэз ортчытыку ялӥмы вал "Мынам ошмесо шаере" нимо акция. Кутскон солы ми сётӥмы огъя Росси субботник улсын. Али дыре азьветлӥсьёсмы дышетскись пиналъёсын, гуртоосынызы, мукет огазеяськонъёсысь ёзчиосын, шаертодосчиосын но вань мылкыд карисьёсын ӵош ошмесъёсты сузяло-утялто, соослэсь лыдзэс чаклало, ошмесъёслэн кылдэм историосынызы тодматско.
Кылсярысь, Балезино ёросысь кенешчиосмылэн верамзыя, ошмесъёсты утён уж соос дорын туж ӟеч мынэ. Та бордын отын ӵемысь выро школаосын дышетскись пиналъёс дышетӥсьёсынызы, культура удысын ужасьёс, гуртын улӥсь калык.
"Ушур гуртын "Ӟечбур" нимо ошмесэз пичи пиналэз музэн утялто, котырзэ арысь аре чебермато, проектъёс та улсын гожто. Вань та ужез мытӥз удмурт кылъя но литературая дышетӥсь, кенешчимы Надежда Перевощикова. Нош ужа татын быдэс команда - Ушур культура юртысь ужасьёс Татьяна Корепанова, Эвелина Нефёдова, лыдӟон юртысь библиотекарь Маргарита Сысоева, - шуо балезиноос. - Али ялэм акцие итӥськизы ни Пыбьяос но. 29-тӥ оштолэзе соос Нырызгуртысь ошмес котырез утялтӥзы".
"Мынам ошмесо шаере" акцие мыло-кыдо пыриське Кез ёрос. 7-тӥ куартолэзе соос Вылысь Уди гурт вӧзысь ошмес доры ветлӥзы. Кык ар талэсь азьло та ошмесэз улӟытон борды Серафима но Александр Жигаловъёс басьтӥськиллям вылэм.
"Татын трос уж лэсьтэмын ни ке но, Жигаловъёслэн та интыез чебергес карон вылысь малпанъёссы уно на. Тани али, веме карыса, мыло-кыдо адямиос трос люкаськизы. Дэмен уж но трос лэсьтӥмы, ог-огенымы тодматскимы, ужам бере чай но юимы. Азьланяз но огазе люкаськыса ужаны вераськимы" - мылкыдзэс верало кезъёс.
"Ушур гуртын "Ӟечбур" нимо ошмесэз пичи пиналэз музэн утялто, котырзэ арысь аре чебермато, проектъёс та улсын гожто. Вань та ужез мытӥз удмурт кылъя но литературая дышетӥсь, кенешчимы Надежда Перевощикова. Нош ужа татын быдэс команда - Ушур культура юртысь ужасьёс Татьяна Корепанова, Эвелина Нефёдова, лыдӟон юртысь библиотекарь Маргарита Сысоева, - шуо балезиноос. - Али ялэм акцие итӥськизы ни Пыбьяос но. 29-тӥ оштолэзе соос Нырызгуртысь ошмес котырез утялтӥзы".
"Мынам ошмесо шаере" акцие мыло-кыдо пыриське Кез ёрос. 7-тӥ куартолэзе соос Вылысь Уди гурт вӧзысь ошмес доры ветлӥзы. Кык ар талэсь азьло та ошмесэз улӟытон борды Серафима но Александр Жигаловъёс басьтӥськиллям вылэм.
"Татын трос уж лэсьтэмын ни ке но, Жигаловъёслэн та интыез чебергес карон вылысь малпанъёссы уно на. Тани али, веме карыса, мыло-кыдо адямиос трос люкаськизы. Дэмен уж но трос лэсьтӥмы, ог-огенымы тодматскимы, ужам бере чай но юимы. Азьланяз но огазе люкаськыса ужаны вераськимы" - мылкыдзэс верало кезъёс.