Назад к Новостям
04.03.23
"Удмурт Кенешлэн" Тӧроез, Кун Кенешысь лулчеберетъя, туризмъя но йӧскалык политикая ялан ужась ӧрилэн кивалтӥсез Андрей Ураськин "Адӟем карымон адями" конкурсын одӥгез вормись луиз! Сое пусйизы "Политика но кивалтон удыс" номинациын.
Андрей Ураськин "Адӟем карымон адями" конкурсын одӥгез вормись
Калык пӧлын юалляськон ортчытӥз но "адӟем карымон" адямиосты утчаз "Мынам Удмуртие" телерадиокомпания. Малпамын со пӧртэм удысъёсын ужась удмурт адямиосты шараян но данъян понна. Ужрад туэ витетӥ ползэ ини ортчиз. Тужгес ушъямон, данъяськымон удмурт адямиосты 5 номинациосъя бырйизы: "Гурт удыс", "Наука, дышетон но тазалыкез утён удыс", "Политика но кивалтон удыс", "Культура но искусство удыс", "Ужбергатон удыс". Котькуд номинациын 2 адӟем карымон адямиосты пусйизы — воргоронэз но нылкышноез. Шаерамы улӥсьёс тужгес но синмаськымон муртъёссы понна телефон пыр жингыртыса, интернет пыр куараоссэс сетӥзы. Нош шараязы но пусйизы юалляськонын вормисьёсты сӥё-дано ужрад улсын. Шумпотӥськом! Ӟечкыласьком!


Вступайте в наши группы в соцсетях

Присоединяйтесь