Тодады вайытом, "Мынам ошмесо шаере" акция Удмуртиын 2022-тӥ арын ялэмын вал "Удмурт Кенеш" огазеяськонлэн кичӧлтэмезъя. Кылсярысь, ар куспын Балезино ёросын 12 пала ошмесъёс сузямын, утялтэмын, выльдэмын вал. Балезиноос та ужез азьланьтыны малпазы. Акцизы нимаськоз "Мынам гурт ошмесэ" шуыса. Та нуналъёсы соос положение бордын ужалозы но вань мылкыд карисьёслэсь заявкаоссэс люканы кутскозы. Ужрадзы радъямын луоз элькунысьтымы Кун Кенешлэн депутатэныз Алексей Санниковен но ёрос администрациен валче.