«Быдӟым Паска» конкурслы йылпумъян!
04.05.23
Вань удмуртъёслэн «Удмурт Кенеш» огазеяськонзылэн кичӧлтэмез улсын 2011-тӥ арын «Ӟечбур!» газет нырысьсэ ялӥз вал «Быдӟым Паска» конкурс. Туэ со 13-тӥзэ радъяськиз ини. Котьку сямен отчы туж уно мылыкыд карисьёс пыриськизы. Трос тунсыко, йӧспӧртэм ужъёс вуизы. Пыр-поч эскерыса, пӧлысьтызы котькуд номинациын тужгес устооссэ бырйыкумы, саклык висъямы удмурт газет-журналъёслы гожтӥськемзэс но.
«КУЖЫМ СЁТӤСЬ ИНТЫОС» номинациын 6-10 аресъемъёс пӧлын вормисе потӥз: Можга ёросысь Вишур гуртысь ЖЕНЯ РОМАНОВ, 11-18 аресъемъёс пӧлысь висъяськиз Балезино ёросысь Исак школаын дышетскись КАРИНА КОРЕПАНОВА, бадӟымъёсыз пӧлысь — Удмурт кун университетысь 3-тӥ курсын дышетскись КРИСТИНА ДМИТРИЕВА.
«БУЯСЬКОМ КУРЕГПУЗ» номинациын аресъя нырысетӥ категориын висъяськизы: Ижкарысь Кузебай Герд гимназиысь ЯНА ШИРОБОКОВА но КАТЯ ИВАНОВА, Ижкарысь 16 номеро школаын дышетскись ЛИЗА БИКУЗИНА, Ижкарысь ЖУЙКОВЪЁС-ВЛАДЫКИНЪЁСЛЭН семьязы.
«ПАСКАЛЫ КУЗЬЫМ» номинациын 6-10 аресъемъёс категорие туж трос ужъёс вуизы, соин ик кык вормисез бырйимы — Дэри ёросысь Вуж Тяма нылпи садысь НИКИТА ТУГБАЕВЕЗ но Ижкарысь 248 номеро нылпи садысь ДАША ЛЕБЕДЕВАЕЗ.
11-18 аресъемъёс пӧлысь киужзэ висъямы Кизнер ёросысь Безменшур школаын дышетскись ЛЕНА ЯКОВЛЕВАЛЭСЬ, суредзэ - Кизнер черкогурт школаын дышетскиь ДИАНА ГУРЬЯНОВАЛЭСЬ. Нош бадӟымъёсыз пӧлысь усто уженыз висъяськиз
Грах ёросысь Вылӥ Эгра школаысь дышетӥсь ОЛЬГА АЛЕКСАНДРОВНА РУПОВА.
Ӟечкыласьком! Нош кин вормисе ӧз поты, мылкыдды медаз куашка, ваньдылы сертификатъёс дасямын. Азьланяз но конкурсъёсамы пыриське, тӥляд но вормонъёсты одно луозы.
Вормисьёслы дипломъёс, Алнашысь ужбергатӥсьлэсь Алексей Филипповлэсь кузьымъёс но «Удмурт Кенеш» огазеяськонлэсь книгаос редакциын дасямын.
Суредэз Диана Гурьяновалэн.