Ашальчи Оки нимо йӧскалык премиез басьтӥсьёсты пусйиз "Удмурт Кенеш"
25.09.20
24-тӥ куарусёнэ Пичи Пургаын «Удмурт нылкышно кенеш» огазеяськонлэн йылпумъян-быръён конференциез ортчиз. Ужрад улсын "Удмурт Кенешлэн" Ашальчи Оки нимо йӧскалык премиезлэн лауреатъёсыз пусъемын вал.
Ашальчи Оки нимо премиез басьтӥзы Бехметова Нина Николаевна, Пудова Валентина Тихоновна но Ева Тулуз.
Бехметова Нина Николаевна - Росси Федерациысь дышетон удысысь дано ужась, Сарапул ёросысь Сигаево школаысь ӟуч кылъя но литературая дышетӥсь, "Удмурт Кенеш" огазеяськемлэн Сарапул ёросысь ёзэныз кивалтӥсь. Россиын ортчись "Устоез дышетӥсь" конкурслэн 2017-тӥ арын вормисез. Кема аръёс ӵоже кивалтӥз Сарапул ёросысь Удмурт нылкышно кенешен. Кылдытӥз удмурт культурая "Кам ӟардонъёс" центр. Нина Николаевна кивалтэм улсын 12 школаосын удмурт кылэз дышетонъя факультативъёс усьтэмын. 10 ар ӵоже ни школаын удмурт кружокъёс нуэ, нылпиосты удмурт кыл но чеберлык котыре кыске. Сарапул ёрослэн Данъян пул вылаз пыртэмын.
Пудова Валентина Тихоновна - Шаркан ёросысь Петухи гуртысь потэм одӥгез тужгес яркыт удмурт кизили. Удмуртиысь калык артистка, Росси Федерациысь дано артистка. Валентина Тихоновна удмурт кырӟанъёс пыр Удмурт шаермес дано но тодмо каре Россиын, пӧртэм кунъёсын - Швециын, Коста-Рикаын, Монголиын. Россиысь кырӟанъя пӧртэм фестивальёслэн лауреатсы луэ. Валентина Тихоновна пыре Россиысь 10 устоосыз арганчиос пӧлы. Бадӟым саклык висъя пиналъёсын ужанлы. "Удмурт Кенеш" огазеяськемлэн ужрадъёсаз мыло-кыдо пыриське.
Ева Тулуз - Франциысь Шундыӝужан палась калыкъёсъя но кылъёсъя институтысь финноугроведениея профессор, фин-угор литератураослэн ассоциацизылэн вице-президентэз. Тунсыкъяське удмурт литератураен, культураен, сям-йылолъёсын. Удмурт литератураез Европаын вӧлмытон сярысь сюлмаське.
Бехметова Нина Николаевна - Росси Федерациысь дышетон удысысь дано ужась, Сарапул ёросысь Сигаево школаысь ӟуч кылъя но литературая дышетӥсь, "Удмурт Кенеш" огазеяськемлэн Сарапул ёросысь ёзэныз кивалтӥсь. Россиын ортчись "Устоез дышетӥсь" конкурслэн 2017-тӥ арын вормисез. Кема аръёс ӵоже кивалтӥз Сарапул ёросысь Удмурт нылкышно кенешен. Кылдытӥз удмурт культурая "Кам ӟардонъёс" центр. Нина Николаевна кивалтэм улсын 12 школаосын удмурт кылэз дышетонъя факультативъёс усьтэмын. 10 ар ӵоже ни школаын удмурт кружокъёс нуэ, нылпиосты удмурт кыл но чеберлык котыре кыске. Сарапул ёрослэн Данъян пул вылаз пыртэмын.
Пудова Валентина Тихоновна - Шаркан ёросысь Петухи гуртысь потэм одӥгез тужгес яркыт удмурт кизили. Удмуртиысь калык артистка, Росси Федерациысь дано артистка. Валентина Тихоновна удмурт кырӟанъёс пыр Удмурт шаермес дано но тодмо каре Россиын, пӧртэм кунъёсын - Швециын, Коста-Рикаын, Монголиын. Россиысь кырӟанъя пӧртэм фестивальёслэн лауреатсы луэ. Валентина Тихоновна пыре Россиысь 10 устоосыз арганчиос пӧлы. Бадӟым саклык висъя пиналъёсын ужанлы. "Удмурт Кенеш" огазеяськемлэн ужрадъёсаз мыло-кыдо пыриське.
Ева Тулуз - Франциысь Шундыӝужан палась калыкъёсъя но кылъёсъя институтысь финноугроведениея профессор, фин-угор литератураослэн ассоциацизылэн вице-президентэз. Тунсыкъяське удмурт литератураен, культураен, сям-йылолъёсын. Удмурт литератураез Европаын вӧлмытон сярысь сюлмаське.