Эшъяськыны - Шарканэ
05.06.18
29-тӥ-30-тӥ инвожое Шаркан ёросын егитъёс понна улос-куспо «ЭРУ» праздник ортчоз. Сое радъяло удмурт егитъёслэн «Шунды» огазеяськонзы, Ижысь Эшъяськон юрт Нациосын ужан политикая министерстволэн, «Удмурт Кенеш» огазеяськонлэн но Шаркан ёрос администрацилэн юрттэмзыя.
«ЭРУ»-э вуылон понна 8 муртлэсь команда кылдытоно (4 нылъёс, 4 пиос). Соослы 14-18 арес медло. Куронъёс таӵеесь:
1) удмурт кылэз, фольклорез но мифологиез тодоно;
2) удмурт дӥськут мед луоз яке команда огкадь дӥськутэныз мед лыктоз, одно ик кутоно воштӥськон дӥсь;
3) дасяно визитка но тунсыко номер.
Дорысь ужзэс возьматэм сяна, командаослы пырпотоно луоз квестэз, ӵапак отын эскерозы удмурт фольклорез тодэмзэс.
- Азьвыл аръёсы та праздникмес нуналскын ортчытӥськом вал, туэ со кыстӥськоз 2 нунал, малы ке шуоно возьмаськом мукет улосъёсысь но егитъёсты, - валэктэ «Шунды» огазеяськонлэн тӧроез Алина Чернова. - Оскиськом, 10-12 команда вуоз шуыса. Ог-огенызы тодматскыны, эшъяськыны дырзы мед луоз шуыса, ӵошатсконъёс бере, ӝытазе, радъялом удмурт дискотека.
Празднике пыриськисьёс нырысетӥ нуналзэс ортчытозы Тол бабайлэн резиденцияз, нош ӝытазе мынозы ни Петунькие. Отын ик 2-тӥ нуналзы ортчоз.
«ЭРУ»-э сюрон понна 20-тӥ инвожоозь одно ик келяно куриськон zarvishursdk@mail.ru но sharkkult@mail.ru электрон адресъёсы. Отчы пусъёно:
1) карлэсь, ёрослэсь, гуртлэсь, муниципал кылдытэтлэсь нимъёссэс;
2) командалэн кивалтӥ-сезлэсь нимзэ-тулзэ но телефонзэ, электрон почтазэ;
3) командае пыриськисьёслэсь нимъёссэс, вордӥськем аръёссэс, нимысьтыз висъяно «Кык дыдыкъёс» ӵошатсконэ пыриськись адямиосты (1 ныл но 1 пи, соослы нимаз вожвылъяськонъёс пыр потоно луоз).
Праздник сярысь пыр-почгес тодыны луоз «Шунды» огазеяськонлэн «ВКонтактеысь» группаысьтыз.
Нялтас вераса, «ЭРУ» шулдыръяськон элькунамы ӟеч сямлы пӧрмиз ини. Со сӥземын егитъёслэн быдэ вуэмзылы - вашкала дыръёсы эскеро вылэм, мар карыны быгато быдэ вуэм нылъёс но пиос, соос понна пӧртэм ӵошатсконъёс ортчытъяллям. Та праздник выльысь улӟытэмын вал ог 20 ар талэсь азьло. Сое ортчытъязы ни Алнаш, Грак ёросъёсын, нош берпуметӥ 3 арзэ со радъяське Шаркан палъёсын.
1) удмурт кылэз, фольклорез но мифологиез тодоно;
2) удмурт дӥськут мед луоз яке команда огкадь дӥськутэныз мед лыктоз, одно ик кутоно воштӥськон дӥсь;
3) дасяно визитка но тунсыко номер.
Дорысь ужзэс возьматэм сяна, командаослы пырпотоно луоз квестэз, ӵапак отын эскерозы удмурт фольклорез тодэмзэс.
- Азьвыл аръёсы та праздникмес нуналскын ортчытӥськом вал, туэ со кыстӥськоз 2 нунал, малы ке шуоно возьмаськом мукет улосъёсысь но егитъёсты, - валэктэ «Шунды» огазеяськонлэн тӧроез Алина Чернова. - Оскиськом, 10-12 команда вуоз шуыса. Ог-огенызы тодматскыны, эшъяськыны дырзы мед луоз шуыса, ӵошатсконъёс бере, ӝытазе, радъялом удмурт дискотека.
Празднике пыриськисьёс нырысетӥ нуналзэс ортчытозы Тол бабайлэн резиденцияз, нош ӝытазе мынозы ни Петунькие. Отын ик 2-тӥ нуналзы ортчоз.
«ЭРУ»-э сюрон понна 20-тӥ инвожоозь одно ик келяно куриськон zarvishursdk@mail.ru но sharkkult@mail.ru электрон адресъёсы. Отчы пусъёно:
1) карлэсь, ёрослэсь, гуртлэсь, муниципал кылдытэтлэсь нимъёссэс;
2) командалэн кивалтӥ-сезлэсь нимзэ-тулзэ но телефонзэ, электрон почтазэ;
3) командае пыриськисьёслэсь нимъёссэс, вордӥськем аръёссэс, нимысьтыз висъяно «Кык дыдыкъёс» ӵошатсконэ пыриськись адямиосты (1 ныл но 1 пи, соослы нимаз вожвылъяськонъёс пыр потоно луоз).
Праздник сярысь пыр-почгес тодыны луоз «Шунды» огазеяськонлэн «ВКонтактеысь» группаысьтыз.
Нялтас вераса, «ЭРУ» шулдыръяськон элькунамы ӟеч сямлы пӧрмиз ини. Со сӥземын егитъёслэн быдэ вуэмзылы - вашкала дыръёсы эскеро вылэм, мар карыны быгато быдэ вуэм нылъёс но пиос, соос понна пӧртэм ӵошатсконъёс ортчытъяллям. Та праздник выльысь улӟытэмын вал ог 20 ар талэсь азьло. Сое ортчытъязы ни Алнаш, Грак ёросъёсын, нош берпуметӥ 3 арзэ со радъяське Шаркан палъёсын.