Кыӵе сюресты ӵужанайды дорозь?
«Билингва. Туала городын кыккылолыкез азинтон» проект «Удмурт нылкышно кенешен» ӵош яло «Ӵужанай (песянай) доры сюрес» вожвылъяськон.
Отчы 3 аресысен 14 аресозь котькуд пинал пыриськыны быгатэ. Со понна солы малпано удмурт кылын верос, кылбур яке выжыкыл. 3 усто ужъёслэн авторъёссы синпель кузьымъёсын, нош вань пыриськисьёс сертификатъёсын пусъемын луозы. Устооссэ ужъёсты «Ӟечбур!» газетысь адӟыны луоз.
«Ӵужанай (песянай) доры сюрес» темая ужъёсты ыстоно 28-тӥ пӧсьтолэзёзь «Удмурт нылкышно кенешлэн» ВКонтакте-ысь группаяз. Вань ужъёс интыямын луозы на «Билингва» проектлэн сайтаз но ВКонтактеысь группаяз.
- «Билингва» проект быдэсъяськем улсын ми ортчытӥмы ни 2 конкурс: суредъёсъя «Вить дуно кылъёс» но удмурт кылын устозэ мастер-классэз дасянъя «Билингва-ТВ» вожвылъяськонъёс, - вера «Билингва» проектлэн авторез Татьяна Волкова. - Оскиськом, таяз но конкурсамы уно ужъёс вуозы шуыса.
Радъясьёс шуо, таӵе ужрадъёс удмурт кылэз вӧлмытыны, солэсь имиджзэ калык пӧлын будэтыны юртто. Туспуктэмез Эдуард Ивановлэн