"Удмурт Кенешлэн" исполкомез ортчиз
16.10.20
Туннэ «Удмурт Кенешлэн» исполкомез, озьы ик ёрос но кар кивалтӥсьёсызлэн кенешонзы ортчиз. Пумиськон видеоконференция амалэн радъяськиз. Вераськон мынӥз матысь дыре ортчоно валтӥсь ужпумъёс сярысь. Со ёросъёсын йылпумъян-быръён конференциос но вань удмуртъёслэн XIV ӧтчамзы.
Пичи Кенешын решение кутэмын вал, 15-тӥ шуркынмонозь котькуд ёросысь ёзъёсын йылпумъянъёс лэсьтэмын но быръёнъёс ортчытэмын луыны кулэ шуыса, конференциын ик кенешчиос бырйыны кулэ вал ӧтчаме мынӥсь делегатъёсты. Нош туннэ нуналын элькунамы трос адями люкаськымон ужрадъёсты ортчытонэз сюбегатӥзы, соин ик юан кылдэ, кызьы ваньзэ радъяно. Кенешчиос конференциоссэс калыкез люкатэк, котырес ӝӧк выллем гинэ яке воксё онлайн амалэн ортчытыны пумит луизы. Соин ик вераськемын вал, 15-тӥ шуркынмонозь ужрадъёсты ортчытыны луонлык ӧз ке кылды, сое бергес радъяны луоз шуыса.
Эшшо одӥгез валтӥсь юан – 3-тӥ толсуре Удмурт театрын съезд ортчыны кулэ. Огазеяськонлэн Тӧроез Татьяна Ишматова туж оске малпан ужъёс дырыз дыръя ортчозы шуыса, озьы ке но кенешчиосты дась луыны куриз ӧтчамез одӥг арнялы бергес выжтоно луиз ке.
«Туннэ нуналлы вань удмуртъёслэсь ӧтчамзэс ортчытыны дасяськиськом 3-тӥ толсуре. Но, жаляса верано, ваньмыз асьме бордысь гинэ уг поты. Кызьы адӟиськом югдыр али капчи, шулдыр ӧвӧл, соин ик котькыӵе воштӥськонъёслы дась луыны кулэ», - шуиз со.
Со дыре ик матэктэ ни мукетыз бадӟым дырпус – 4-тӥ шуркынмонэ 100 ар тырме удмурт калыклэн кунлык басьтэмез дырысен. Кенешчиос ӵектӥзы та нуналэз нимысьтыз люкаськыса, мылкыд карись коллективъёсты, гожъяськисьёсты отьыса, удмурт дӥсяськыса пусйыны. Люкаськемъёс удмурт автономиез кылдытӥсьёслэн Кузебай Гердлэн, Трокай Борисовлэн, Иосиф Наговицынлэн синпелетъёссы азе сяська керттэт тырозы. Валамон ини, ужрад урамын гинэ, вань санитар куронъёсты чакласа ортчоз. Та выллем ужрадъёс ёросъёсын но радъяськозы. Кенешчиос пусйизы, калык трос ӧз ке но люкаськы, та нуналэз асьмеос одно пусйыны кулэ шуыса.
Пумиськонлэн пумаз учкемын вал эшшо одӥг юан. Ижкарысь Кызьпу арамаез умоятонъя ужъёс кутскемын. Ужась группае пыре «Удмурт Кенеш» огазеяськемлэн вице-президентэн Владимир Байметов но. Солэн верамезъя, парк бордын Москваысь ӧнерчиос ужало. Проект «Удмурт Кенешлэн» кутэм концепциезъя ик лэсьтэмын. Оскиськом, Кызьпу арамаын удмурт этно-парк кылдоз.
Эшшо одӥгез валтӥсь юан – 3-тӥ толсуре Удмурт театрын съезд ортчыны кулэ. Огазеяськонлэн Тӧроез Татьяна Ишматова туж оске малпан ужъёс дырыз дыръя ортчозы шуыса, озьы ке но кенешчиосты дась луыны куриз ӧтчамез одӥг арнялы бергес выжтоно луиз ке.
«Туннэ нуналлы вань удмуртъёслэсь ӧтчамзэс ортчытыны дасяськиськом 3-тӥ толсуре. Но, жаляса верано, ваньмыз асьме бордысь гинэ уг поты. Кызьы адӟиськом югдыр али капчи, шулдыр ӧвӧл, соин ик котькыӵе воштӥськонъёслы дась луыны кулэ», - шуиз со.
Со дыре ик матэктэ ни мукетыз бадӟым дырпус – 4-тӥ шуркынмонэ 100 ар тырме удмурт калыклэн кунлык басьтэмез дырысен. Кенешчиос ӵектӥзы та нуналэз нимысьтыз люкаськыса, мылкыд карись коллективъёсты, гожъяськисьёсты отьыса, удмурт дӥсяськыса пусйыны. Люкаськемъёс удмурт автономиез кылдытӥсьёслэн Кузебай Гердлэн, Трокай Борисовлэн, Иосиф Наговицынлэн синпелетъёссы азе сяська керттэт тырозы. Валамон ини, ужрад урамын гинэ, вань санитар куронъёсты чакласа ортчоз. Та выллем ужрадъёс ёросъёсын но радъяськозы. Кенешчиос пусйизы, калык трос ӧз ке но люкаськы, та нуналэз асьмеос одно пусйыны кулэ шуыса.
Пумиськонлэн пумаз учкемын вал эшшо одӥг юан. Ижкарысь Кызьпу арамаез умоятонъя ужъёс кутскемын. Ужась группае пыре «Удмурт Кенеш» огазеяськемлэн вице-президентэн Владимир Байметов но. Солэн верамезъя, парк бордын Москваысь ӧнерчиос ужало. Проект «Удмурт Кенешлэн» кутэм концепциезъя ик лэсьтэмын. Оскиськом, Кызьпу арамаын удмурт этно-парк кылдоз.