Назад к Новостям
02.04.22
Туннэ, 2-тӥ оштолэзе, элькунамы дас одӥгетӥзэ ини "Бадӟым удмурт диктант" акция ортчиз. Туэ со Удмуртиын ялэм Дышетонлэн арезлы сӥземын вал. Диктантлэсь текстсэ гожтӥз "Кенеш" журналлэн валтӥсь редакторез Анастасия Шумилова.
Кенешчиос "Бадӟым удмурт диктант" акцие пыриськизы
Диктантэз гожтыны туэ кӧня ке амалэн луэ вал: каръёсын но ёросъёсын усьтэм площадкаосын, "Мынам Удмуртие" радиолэн но телевидениелэн меӵак эфирез улсын.

Ми но, Ижкарысь кенешчиос, Калыкъёслэн эшъяськон юртазы люкаськыса, мыло-кыдо "Бадӟым удмурт диктант" акцие пыриським. Милемын артэ тодон-валанзэс эскеризы Йӧскалык прессалэн юртысьтыз ӧнерчиос, "Удмурт нылкышно кенеш" огазеяськонлэн ёзчиосыз, "Куара" огинысь егитъёс.

Тау ваньдылы, кин мылкыд кариз милемын ӵош туннэ удмурт кылмес дунъяны но данъяны!

Эшъёс, нош тӥ гожтӥды-а удмурт диктантэз?


Вступайте в наши группы в соцсетях

Присоединяйтесь