[HTML]Туннэ нуналлы книгалэн макетэз но дась ини. Авторез Леонид Сапожников ог 20 ар ӵоже бичам фольклорез ваньзэ ик огазеяны, куараен но нотаосын гожтыны тыршиз. Озьы книгае бадӟым, кие кутымон пӧрмиз. Со кылдэ 2 люкетлэсь, озьы ик бордаз дискез вань на.
Вань люкам материал бичамын Балтаси ёросысь удмурт гуртъёсысь, ӵапак отын улэ книгалэн авторез. Материалэз потытозь, кӧняез ке респондентъёсыз улонысь но кошкизы ини, соин люкам ивор туннэ нуналлы туж дуно луэ.;nbsp,
Книгаез азьвылгес поттыны луысал ни, коньдонэн шуг-секытъёс ӧз кылдысалзы ке. Бадӟым форматэн, яркыт буёло ужез поттон туала вакытэ дунтэм уг усьы. Озьы ке но Леонид Дмитриевич оске проектэзлы грант утыны но малпанзэ пумозяз вуттыны.