[HTML]
Та шулдыръяськон ӟеч сямлы пӧрмиз ини но арлы быдэ ортчылэ. Но туэ кӧня ке воштӥськонъёс луозы.
– Азьвыл ужрадамы покчи классъёсын дышетскисьёсты ӧтчаськом вал, туэ дышетӥсьёс куремъя бадӟымъёссэгес люканы малпамы, – вера «Удмурт Кенеш» огазеяськонлэн кыл кутӥсь секретарез Елена Александрова. – Таяз радэ Эшъяськон юртэ вуозы Ижысь школаосысь 8-тӥ-11-тӥ классъёсын дышетскись 80 удмурт егитъёс, ваньзы ик соос – олимпиадаосын, вожвылъяськонъёсын вормемъёс, азьветлӥсьёс.
Шулдыръяськонлэн пуштросэз бордын рос-прос ужало «шундыос».
– Дышетскисьёс понна ми дасяськом тунсыко вожвылъяськонъёс, пӧртмаськонъёс, тунаськонъёс, удмурт калык но туала шудонъёс – огкылын вераса, Выль ар праздникмы зэмзэ но чылкак удмурт луоз, – шуэ «Шунды» огазеяськонлэн тӧроез Алина Чернова. – Вань люкаськемъёсты шулдыртозы туала удмурт кырӟасьёс но, валамон ини, Тол бабаен Лымы ныл.
Пиналъёслэсь азьланяз но удмурт кылэн но культураен эшъяськыны мылкыдзэс бурдъян вылысь, вормонъёссэс данъяса, выль ар кузьымъёс люкылэмын луозы.;nbsp,
Фото: www.kp.md