[HTML]Асьмелы бадӟым уж оскемын: удмурт культураез утён но азинтон, кылмес но калыкмес юн гажан мылкыд пыџатон, улон котырысьтымы чеберзэ адӟон но сое кулэезъя дунъяны но данъяны быгатон, калыкмылэсь сюлэмшугъяськонъёссэ шӧдон, соосты сэрттыны-пертчыны юрттон. Тросэз потэ асьме бордысь. «Удмурт Кенеш» огазеяськон удмурт шаерын бадӟым инты басьтэ, со сярысь вератэк ӧз кельты туэ А.Бречалов но аслаз арлы йылпумъянъёс лэсьтыса вераназ. Тау карисько Тӥледлы, «удмурт кенешчиосы», озьыен, валче ужаммылэн пайдаез шӧдӥське.;nbsp,
Вуоно армы но тодмо луэ бадӟымесь лыдпусъёсын: Кузебай Гердлы но Ашальчи Окилы вордӥськемзы дырысен 120 ар тырмонэз пусъён, Россиысь удмуртъёслэн нырысетӥ ӧтчамзы дырысен 100 ар тырмоз, Удмурт культурая центрез кылдытон борды басьтӥськон но трос мукетыз. Ваньмыз та ужрадъёс кулэ карозы асьмелэсь, азьло сямен, ӵош, валче кариськыса ужаммес, одӥг ӧрын малпаськеммес но огазеяськыса ужаны быгатэммес! Соин ик, кошкись арлы тау карыса, нош мытом ӟеч ужъёсмес вуоно арын но. Азьланьтыса ваньдылы сӥземе потэ шудо-буро улон, ог-огдэ гажан но яратон, юн тазалык но ужазинлык, трос шумпотон, ваньлыко но берекето улон. Оскисько, удмуртлыкмес муромытон но вӧлмытон удысын сюлмысьтыды тыршоды шуыса.;nbsp,
Выль малпанъёс но вормонъёс Тӥледлы!;nbsp,
Гажаса,;nbsp,
«Удмурт Кенеш» огазеяськемлэн Тӧроез;nbsp,
Т.В. Ишматова