"Гербер" праздниклы дасясько Удмуртиын
05.05.22
"Гербер" улосвылкуспо йӧскалык шулдыръяськонлэн дырыз мактэктэ ни. Толон, 4-тӥ куартолэзе, нош ик люкаськылӥз праздникез дасянъя комитет. Кенешонэ озьы ик пыриськизы элькунысьтымы йӧскалык политикая министр Эдуард Петров но "Удмурт Кенеш" огазеяськонлэн Тӧроез Татьяна Ишматова.
Люкаськемъёс праздникез радъян интыез учкылыны ветлӥзы. "Туэ "Гербер" понна кыл кутэ Пичи Пурга ёрос. Пургаослэн шулдыр интыоссы трос гинэ, но соос пӧлысь шедьтыны кулэ сыӵезэ, кудӥз зор куазен но чеберзэ уз ышты", - шуэ Татьяна Ишматова.
Праздникез дасянъя комитетлэн ёзчиосыз но вуэм куноос чаклазы на кытчы но кызьы интыяны луоно валтӥсь сценаез, кибашлыослэн ужъёсынызы адӟытон-вузкаронэз, кытын ӝукез вӧсялозы но ужалозы мукет площадкаос.
Тодады вайытом, туэ удмурт праздник 18-тӥ инвожое ортчоз.
Праздникез дасянъя комитетлэн ёзчиосыз но вуэм куноос чаклазы на кытчы но кызьы интыяны луоно валтӥсь сценаез, кибашлыослэн ужъёсынызы адӟытон-вузкаронэз, кытын ӝукез вӧсялозы но ужалозы мукет площадкаос.
Тодады вайытом, туэ удмурт праздник 18-тӥ инвожое ортчоз.