БУД акцимылы йылпумъянъёс
27.04.24
Туэ акцимы 6-тӥ оштолэзе радъяськиз. Сӥземын вал со Росси Азьмуртлэн Владимир Путинлэн кичӧлтэмез улсын ялэм Семьялэн арезлы. Диктантлы текст гожтӥз гожъяськись, "Удмурт нылкышно кенеш" огазеяськонлэн кивалтӥсез, "Удмурт дунне" газетлэн валтӥсь редакторез Елена Миннигараева.
13-тӥез акция 167 площадкаосын ортчиз. Дышем сямъя ини, диктантэз лыдӟизы "Мынам Удмуртие" радиолэн но "Удмуртия" телеканаллэн меӵак эфиръёсаз.
Акцие пыриськизы Удмурт Элькунысь 5 кар но 23 ёрос муниципал кылдытэтъёс, озьы ик Башкортостанын, Татарстанын, Москваын, Киров улосын, Пермь шаерын улӥсьёс.
Протоколъя оглом диктантэз гожтӥз 3028 адями, соос пӧлысь - 2297 адями радъям площадкаосын, 731 адями – радио но телевидение пыр. Дасо пала мурт асьсэ понна гинэ гожтӥзы, баллъёссы шараяськемын уз луы.
75 адями диктантэз янгышъёстэк гожтӥзы но 100 балл басьтӥзы.
Ужрадэ пӧртэм арлыдъемъёс пыриськизы. Тужгес пичиез Яр ёросысь Туганпигуртысь Семён Дементьев – солы 7 арес. Тужгес арлыдоез диктантэз гожтӥсь – Дэбес черкогуртысь 91 аресъем Малых Анна Ивановна.
Пусъём, акция улсын озьы ик радъяськиз Удмурт шаерысь дано адямиосын но котырес лыдпусъёсын герӟаськем онлайн-тестирование. Тодон-валанзэ эскериз 475 мурт.
Диктант понна электронной сертификат басьтыны луэ акцилэн сайтысьтыз - https://www.udmdiktant.ru/dictresult
Акцие пыриськизы Удмурт Элькунысь 5 кар но 23 ёрос муниципал кылдытэтъёс, озьы ик Башкортостанын, Татарстанын, Москваын, Киров улосын, Пермь шаерын улӥсьёс.
Протоколъя оглом диктантэз гожтӥз 3028 адями, соос пӧлысь - 2297 адями радъям площадкаосын, 731 адями – радио но телевидение пыр. Дасо пала мурт асьсэ понна гинэ гожтӥзы, баллъёссы шараяськемын уз луы.
75 адями диктантэз янгышъёстэк гожтӥзы но 100 балл басьтӥзы.
Ужрадэ пӧртэм арлыдъемъёс пыриськизы. Тужгес пичиез Яр ёросысь Туганпигуртысь Семён Дементьев – солы 7 арес. Тужгес арлыдоез диктантэз гожтӥсь – Дэбес черкогуртысь 91 аресъем Малых Анна Ивановна.
Пусъём, акция улсын озьы ик радъяськиз Удмурт шаерысь дано адямиосын но котырес лыдпусъёсын герӟаськем онлайн-тестирование. Тодон-валанзэ эскериз 475 мурт.
Диктант понна электронной сертификат басьтыны луэ акцилэн сайтысьтыз - https://www.udmdiktant.ru/dictresult