[HTML]
Ужрадэ Якшур-Бӧдья ёросысь ваньмыз сямен школаосысь дышетскисьёс вуиллям, озьы ик куное лыктӥллям Пичи Пурга ёросысь 2 школаосысь дышетӥсьёс но дышетскисьёс, элькун но ёрос кивалтӥсьёс, гожъяськисьёс, журналистъёс, культура но искусство удысын ужасьёс, Е.Е. Загребинлэн ӵыжы-выжыосыз но сое гажась эшъёсыз, гуртоосыз.
– Мон Егор Егоровичен нырысьсэ пумиськи дышетскон аръёсам. Соку ик пайми солэн аудиторилэсь саклыксэ возьыны быгатэмезлы, – вераз люкаськемъёслы Татьяна Витальевна. – Усто гожъяськись сяна, со зэмос оратор, артист вал. Со понна солы микрофон яке сцена но кулэ ӧй вал, сотэк но со калыкез бордаз кыскыны быгатӥз. Малпанзэ усьтыкуз, ваньмызлы кылымон, меӵак вера вал. Кин ке понна дурбасьтыкуз – вань сюлмысьтыз, кужымзэ жалятэк.
Татьяна Витальевна шуиз, Егор Егорович трос лэсьтыны малпа на вал но трос лэсьтыны быгатысал на, уго тэк пукыны ӧз чидалля. Озьы ке но, ачиз ӧвӧл ни ке но, ужъёсыз табере ас улонэнызы уло. Пьесаосыз сярысь гинэ ке верано, 17-езъя соос пӧлысь Удмурт театрын спектакльёс пуктэмын вал. Нош кӧня мукет произведениосыз на Егор Егоровичлэн!
Конференцилэн валтӥсь люкетэз йылпумъяськем бере Мукши школаын буре ваён пул усьтӥзы – озьы Е.Е. Загребинлэн тусыз но чуръёсыз пыраклы вордскем палъёсаз кылизы. ;nbsp,;nbsp,