[HTML]
Ижысь Кар думалэн тӧроез Олег Гарин валэктэмъя, бюллетене пырись 12 интыосыз бырйизы асьсэос улӥсьёс: кылем сӥзьыл Ижкар администрацилэн сайтаз юалляськон ортчиз, нош бӧрысь толэзь ӵоже ӵектонъёсты кутӥзы шоркарысь вуз карон центръёсын, заводъёсын, МФЦ-осын но бадӟым ужрадъёсысен. Ижкар администрацилэн пресс-службаез ивортэмъя, пусъем дыр ӵоже оглом 10 сюрслэсь уно куара вуиз.
Одӥгез объектъёс пӧлысь – Кызьпу арама. Отын асьмелэн уно ужрадъёсмы ортчыло. Котькуд ар быдэс элькунысьтымы калык вуэ кар Гербере, Выль празднике. Татын ортчыло концертъёс, фестивальёс. Соин та инты асьмелы матын но дуно луэ. Туннэ нуналлы дасям концепцияя Кызьпу арамаын ужрадъёсмес ортчытон понна луоз умой сцена но удмурт сиён-юонъёсын кафе. Со сяна, чакламын паркысь мынон-ветлон сюресъёсты, нылпи площадкаосты, спортэн вырон интыосты умоятыны.
Выльдӥськоз-а Кызьпу арама? Со потэ асьме бордысь но. Трос куара люказ ке, выльдӥськоз! Ижкар администрацилэн сайтаз ивортэмын, инты быръёнэ 14 арессэс тырмытэм Ижын вань улӥсьёс пыриськыны быгатозы шуыса. Со понна 18-тӥ мартэ 8 часысен 20 часозь лыктоно быръён участоке, сьӧре одно ик кутоно паспортэз.;nbsp,