[HTML]Журналистика удысын Эрик Батуев нимо премия люкылыны кутскизы 2011-тӥ арын. Конкурсэ асьсэ ужъёссэс лэзё удмурт но, ӟуч но журналистъёс. «Удмурт Кенеш» огазеяськонлэн тӧроез Татьяна Ишматова пусъе, ӟуч журналистъёс ласянь комиссия учке, кызьы материалъёсын удмурт калыкен герӟаськем ужпумъёс ӝутэмын.;nbsp,
Туэ комиссие 10 журналистъёслэн ужъёссы вуизы. Вераны кулэ, «Удмурт Кенеш» нимысьтыз саклык висъя егит журналистъёслы но. Озьы туэ премиен пусъемын «Удмуртия» ГТРК-ысь журналист Владимир Михайлов, егитъёс пӧлысь – «Мынам Удмуртие» ТРК-ысь журналист Александр Бикузин но «Удмурт дунне» газетысь журналист, «Дарт» ватсэтлэн редакторез Мария Векшина.;nbsp,
Сӥё-дано ужрадын Владимир Михайлов вераз, макем та премия дано луэ удмурт журналистъёс пӧлын. Уго вожвылъяськонэ со ужъёссэ нырысетӥ арзэ гинэ ӧз лэзьы ни, котьку но зӧк папкаен.;nbsp,
– Табере ас азям эшшо но чурытгес куронъёс пуктӥсько, – шуиз Мария Векшина. – Данъяськисько, журналист сямен «Удмурт дунне» редакциын, нош общественник кадь «Удмурт Кенешлэн» школаяз кыдасько шуыса.;nbsp,
Татьяна Ишматова оскемзэ вераз, азьланяз вожвылъяськон эшшо но паськытгес, ӟырдытгес луоз шуыса. Комиссия табере возьмалоз Татарстанысь, Башкортостанысь но мукет улосвылъёсысь журналистъёслэсь но ужъёссэс.