Новости

Туэ акцимы 6-тӥ оштолэзе радъяськиз. Сӥземын вал со Росси Азьмуртлэн Владимир Путинлэн кичӧлтэмез улсын ялэм Семьялэн арезлы. Диктантлы текст гожтӥз гожъяськись, «Удмурт нылкышно кенеш» огазеяськонлэн кивалтӥсез, «Удмурт дунне» газетлэн валтӥсь редакторез Елена Миннигараева.

Туэ акцимы 1-тӥ оштолэзе радъяськиз, сӥземын вал со дано удмурт азьветлӥсьёслэн Кузебай Гердлэн но Ашальчи Окилэн вордскемзы дырысен 125 ар тырмонлы но Удмурт Элькунын ялэм егитъёслэн арзылы.

Туннэ элькунамы ужзэ мытӥз мерлыко йӧскалык огазеяськонъёсысь егитъёслы «БУД» ЭтноАкселератор.

Гожъяськод верос яке кылбур? Иське, «Гожъя удмуртсэ» конкурсмы ӵапак тӥ понна!

Балезино ёросын ошмесъёсты утялтон ужъёс азьланьтӥсько. Туэ балезиноос ошмесъёссы доры сяськаос но писпуос мерттылозы. Зотя ошмес котырын ужъёс йылпумъяськизы ни.

Вань удмуртъёслэн «Удмурт Кенеш» огазеяськонзылэн кичӧлтэмез улсын 2011-тӥ арын «Ӟечбур!» газет нырысьсэ ялӥз вал «Быдӟым Паска» конкурс. Туэ со 13-тӥзэ радъяськиз ини. Котьку сямен отчы туж уно мылыкыд карисьёс пыриськизы. Трос тунсыко, йӧспӧртэм ужъёс вуизы. Пыр-поч эскерыса, пӧлысьтызы котькуд номинациын тужгес устооссэ бырйыкумы, саклык висъямы удмурт газет-журналъёслы гожтӥськемзэс но.

Заседаниез нуиз ёросысь депутатъёслэн Кенешсылэн кивалтӥсез Иван Сибиряков. Повесткалэн одӥгез юанэз вал «Удмурт Кенеш» огазеяськонлэн Кияса ёросысь ёзэтэзлэн ужамез сярысь.

Калыкъёслэн эшъяськон юртазы «Удмурт Кенеш» огазеяськонлэн Ижысь Первомай ёрос ёзэтэз «Марлы бен кылбуръёс гожъяськод…» пумиськон-тодматскон ӝыт ортчытӥз. Ужрад сӥземын вал Ашальчи Окилэн но Кузебай Гердлэн вордскемзы дырысен 125 ар тырмонлы.

«Удмурт нылкышно кенеш» огазеяськон 30 ар тырмонэзлы сӥзем «ДОР» марафонзэ мытӥз. Со улсын нылкышноослэн нырысетӥ пумиськонзы 11-тӥ южтолэзе Пичи Пурга ёросысь Уча гуртын ортчиз. Пумиськонзы нимаськиз: «Ашальчи Оки но удмурт нылкышноос, соослэн пуш дуннезы но тазалыксы».

Туннэ Ижкарын улӥсьёс шундыез яркытгес пиштыны куризы. Озьы соос толэз келязы, тулысэз пумитазы. Шулдыръяськон Кызьпу арамаын ортчиз.

«Удмурт Кенешлэн» Тӧроез, Кун Кенешысь лулчеберетъя, туризмъя но йӧскалык политикая ялан ужась ӧрилэн кивалтӥсез Андрей Ураськин «Адӟем карымон адями» конкурсын одӥгез вормись луиз! Сое пусйизы «Политика но кивалтон удыс» номинациын.

Гажано эшъёс! Шумпотыса ӧтиськом ваньдэс но «Тол келян» шулдыръяськонамы!