Удмуртилэн Тӧроеныз пумиськон
23.06.20
Туннэ «Удмурт Кенеш» огазеяськемлэн ёзчиосыз Удмурт Элькунлэн Тӧроеныз А.В.Бречаловен пумиськизы.
Пумиськонэ озьы ик пыриськизы Удмурт Элькунлэн дано кунмуртэз, «Удмурт Кенеш» огазеяськонлэн дано Тӧроез Валентин Кузьмич Тубылов, история наукаосъя доктор, профессор Кузьма Иванович Куликов, Россиысь калыкъёслэн ассамблеязылэн Кенешезлэн тӧроез Светлана Константиновна Смирнова.
Пумиськон улсын кенешчиос шаерлэн кивалтӥсезлы проектъёссы но асьсэ кужмынызы радъям ужрадъёссы сярысь веразы. Элькунлэн Тӧроез пусйиз, "Удмурт Кенешлэн" "Чеберай" выллем, "Шундыкар", "Тулкым" нылпиос понна радъям лагерьёс выллем проектъёсыз туж тунсыкоесь но туала шӧмо.
2019-тӥ арысен ини Азьмурт грантъёсъя Фондлэн юрттэменыз «Удмурт Кенешлэн» нылкышно творчествоя "Чеберай" марафонэз ортчытӥське. Со Удмуртиын одӥгез яркытэз но тужгес бадӟымез йӧскалык ӵектос луэ. «Чеберай» марафон кышномуртлэн чеберлыкез пыр удмурт йӧскалык лулчеберетэз но киужез вӧлмытыны, удмурт нылкышноослэсь гуртъёсын улонзэс творчество но ужбергатон пыр ӟечлыкогес карыны, тужгес устолыко удмурт нылашъёсты но кышномуртъёсты шараяны, быгатонлыкъёссэс калыке поттыны но азинтыны чакламын.
Тодады вайытом, ӵектос улсын «ИнстаЧеберай» интернет-вожвылъяськон ортчиз. Отчы Удмуртиысь гинэ ӧвӧл, Финляндиысь но, Италиысь но удмурт нылъёс пыриськизы. Озьы ик 22 ёросын «От хобби до бизнеса» дышетонъя мастер-классъёс но чеберлыкъя но устолыкъя «Чеберай - 2020» йӧскалык вожвылъяськонэ каистингъёс ортчизы. Дышетон форумъёсы Удмуртиысь оглом 2,5 сюрс адями пыриськиз.
Марафон улсын туннэ нуналлы ортчоно ужрадъёсын ӵектослэн кивалтӥсез Ксения Широбокова тодматӥз: «Али дыре марафонлэн командаез «Cheberai» журнал поттон бордын тырше. Отчы «Чеберай-2020» вожвылъяськонлэн быръён люкетаз вормись нылашъёслэн но нылкышноослэн киужъёсын мастер-классъёсы пырозы. Озьы ик «Чеберай – 2020» вожвылъяськонлэн фналэзлы дасяськон мынэ. Со таяз арын шуркынмон толэзе Ижкарысь «Металлург» лулчеберетъя юртын ортчытыны чакламын».
Александр Бречалов «Чеберай» марафонэз туж вылӥ дунъяз. Лулчеберетмес утеммы потэ ке, таӵе устоесь проектъёс кылдытъяно, соосыз егитъёс пӧлын возьматыны дышетсконо шуиз кивалтӥсь.
«Удмурт Кенеш» туж ӟеч кусып возе Удмурт кун университетэн но. Школаосын дышетскись нылпиос но студентъёс понна котькуд ар пӧртэм ужрадъёс ортчытъясько. Тужгес бадӟымез со «Наукае нырысетӥ вамышъёсы» эскорон ужъёсын но проектъёсын улосвылкуспо ӵошатскон. Куинетӥзэ ини ортчиз Юрий Перевощиков нимо визьбур многоборье. Со 7-тӥ-11-тӥ классын дышетскись пиналъёс пӧлын радъяське. Соолэсь удмурт кылъя, экономикая но обществознания тодон-валанъёссэс эскеро.
УдГУ-ысь Удмурт кылосбуръя, финно-угроведениея но журналистикая институтлэн кивалтӥсез Наталья Кондратьевалэн верамезъя, таӵе ужрадъёс нырысь ик удмурт кылэз но лулчеберетэз азинтон понна лэсьтӥсько. «Лингвист кадь, мон вераны быгатӥсько, жаляса верано, трос пӧртэм мугъёсъя, удмурт кылэз тодӥсьёс арысь аре кулэсмо. Но нылпиос вераськизы ке, кылмы улоз», - шуиз со.
Трос ужъёс нуисько ёросъёсын но. Асьсэ кужмынызы радъям ужрадъёссы сярысь вераськизы «Удмурт Кенешлэн» ёзэтъёсынызы кивалтӥсьёс. Кылсярысь, Дэри ёросын тужгес бадӟым саклык висъяны тыршо улосчиосмылы, кудъёсыз асьсэлэн уженызы, быгатымлыкенызы данъязы асьмелэсь ошмесо Удмурт шаермес.
"2005-тӥ арысен Эрик Батуев нимо ёрос премия сётиське. 2015-тӥ арысен ортчытъясько ёроскуспо (2019-тӥ арысен улосвылкуспо) Батуев нимо лыдӟонъёс.
Эрик Батуев ватэмын Дэри ёрослэн шайгу вылаз. Солэн анаез Анна Филипповна кулэм бере, «Удмурт Кенешлэн» кичӧлтэмез улсын соослэсь шайгу вылзэс плитаосын но чардуганъёсын утялтӥмы. Коньдонэн юрттӥз элькунысьтымы Кун Кенешысь депутат Д.Ю. Кузнецов. Со сяна, «Удмурт Кенешлэн» ёзчиосыз бибилиотекаын ужасьёсын валче котькуд ар шайгуооссэс утялто кылбурчилэсь Алла Кузнецовалэсь но этнографлэсь, Удмурт Элькунысь наукая дано ужаслэсь Людмила Христолюбовалэсь.
Алла Кузнецовалэсь нимзэ сётӥмы Октябрь гуртысь библиотекалы. Людмила Христолюбовалы буре ваён пул дышетскем школаез борды юнматӥмы. Озьы ик шаертодосчилы, ёросысьтымы дано улосчимылы Дмитрий Петровлы сӥзем буре ваён пул усьтӥмы "- вераз Дэри ёрос ёзэтлэн кивалтӥсез Лидия Биянова.
Глаз ёросын кенешчиос Иосиф Наговицынлэсь нимзэ ӝутонын тыршо. Со удмурт автономиез кылдытӥсьёс пӧлысь одӥгез вал. 2018-тӥ арын Глаз ёросысь "Удмурт Кенеш" ёзэтлэн ёзчиосызлэн кичӧлтэменызы Наговицын нимо ёрос премия кылдытэмын вал, нош 2019-тӥ арын дышетскем школа бордаз буре ваён пул шуккемын. Туэ, Удмуртилэн кунлыкезлы 100 ар тырмон аре, Глазкарын удмурт кылэз дышетонэн гимнази классъёс усьтӥськозы. Нош азьланяз, «Удмурт Кенеш» огазеяськонлэн Глаз карысь но ёросысь ёзэтэзлэн кивалтӥсез Инесса Рябова верамезъя, кенешчиос школалы Иосиф Наговицынлэсь нимзэ сётыны ӵектонэн потыны малпало.
Оскиськом, азьланяз но, ӵошен ужаса, выль проектъёсмес улонэ пыӵатом.
Пумиськон улсын кенешчиос шаерлэн кивалтӥсезлы проектъёссы но асьсэ кужмынызы радъям ужрадъёссы сярысь веразы. Элькунлэн Тӧроез пусйиз, "Удмурт Кенешлэн" "Чеберай" выллем, "Шундыкар", "Тулкым" нылпиос понна радъям лагерьёс выллем проектъёсыз туж тунсыкоесь но туала шӧмо.
2019-тӥ арысен ини Азьмурт грантъёсъя Фондлэн юрттэменыз «Удмурт Кенешлэн» нылкышно творчествоя "Чеберай" марафонэз ортчытӥське. Со Удмуртиын одӥгез яркытэз но тужгес бадӟымез йӧскалык ӵектос луэ. «Чеберай» марафон кышномуртлэн чеберлыкез пыр удмурт йӧскалык лулчеберетэз но киужез вӧлмытыны, удмурт нылкышноослэсь гуртъёсын улонзэс творчество но ужбергатон пыр ӟечлыкогес карыны, тужгес устолыко удмурт нылашъёсты но кышномуртъёсты шараяны, быгатонлыкъёссэс калыке поттыны но азинтыны чакламын.
Тодады вайытом, ӵектос улсын «ИнстаЧеберай» интернет-вожвылъяськон ортчиз. Отчы Удмуртиысь гинэ ӧвӧл, Финляндиысь но, Италиысь но удмурт нылъёс пыриськизы. Озьы ик 22 ёросын «От хобби до бизнеса» дышетонъя мастер-классъёс но чеберлыкъя но устолыкъя «Чеберай - 2020» йӧскалык вожвылъяськонэ каистингъёс ортчизы. Дышетон форумъёсы Удмуртиысь оглом 2,5 сюрс адями пыриськиз.
Марафон улсын туннэ нуналлы ортчоно ужрадъёсын ӵектослэн кивалтӥсез Ксения Широбокова тодматӥз: «Али дыре марафонлэн командаез «Cheberai» журнал поттон бордын тырше. Отчы «Чеберай-2020» вожвылъяськонлэн быръён люкетаз вормись нылашъёслэн но нылкышноослэн киужъёсын мастер-классъёсы пырозы. Озьы ик «Чеберай – 2020» вожвылъяськонлэн фналэзлы дасяськон мынэ. Со таяз арын шуркынмон толэзе Ижкарысь «Металлург» лулчеберетъя юртын ортчытыны чакламын».
Александр Бречалов «Чеберай» марафонэз туж вылӥ дунъяз. Лулчеберетмес утеммы потэ ке, таӵе устоесь проектъёс кылдытъяно, соосыз егитъёс пӧлын возьматыны дышетсконо шуиз кивалтӥсь.
«Удмурт Кенеш» туж ӟеч кусып возе Удмурт кун университетэн но. Школаосын дышетскись нылпиос но студентъёс понна котькуд ар пӧртэм ужрадъёс ортчытъясько. Тужгес бадӟымез со «Наукае нырысетӥ вамышъёсы» эскорон ужъёсын но проектъёсын улосвылкуспо ӵошатскон. Куинетӥзэ ини ортчиз Юрий Перевощиков нимо визьбур многоборье. Со 7-тӥ-11-тӥ классын дышетскись пиналъёс пӧлын радъяське. Соолэсь удмурт кылъя, экономикая но обществознания тодон-валанъёссэс эскеро.
УдГУ-ысь Удмурт кылосбуръя, финно-угроведениея но журналистикая институтлэн кивалтӥсез Наталья Кондратьевалэн верамезъя, таӵе ужрадъёс нырысь ик удмурт кылэз но лулчеберетэз азинтон понна лэсьтӥсько. «Лингвист кадь, мон вераны быгатӥсько, жаляса верано, трос пӧртэм мугъёсъя, удмурт кылэз тодӥсьёс арысь аре кулэсмо. Но нылпиос вераськизы ке, кылмы улоз», - шуиз со.
Трос ужъёс нуисько ёросъёсын но. Асьсэ кужмынызы радъям ужрадъёссы сярысь вераськизы «Удмурт Кенешлэн» ёзэтъёсынызы кивалтӥсьёс. Кылсярысь, Дэри ёросын тужгес бадӟым саклык висъяны тыршо улосчиосмылы, кудъёсыз асьсэлэн уженызы, быгатымлыкенызы данъязы асьмелэсь ошмесо Удмурт шаермес.
"2005-тӥ арысен Эрик Батуев нимо ёрос премия сётиське. 2015-тӥ арысен ортчытъясько ёроскуспо (2019-тӥ арысен улосвылкуспо) Батуев нимо лыдӟонъёс.
Эрик Батуев ватэмын Дэри ёрослэн шайгу вылаз. Солэн анаез Анна Филипповна кулэм бере, «Удмурт Кенешлэн» кичӧлтэмез улсын соослэсь шайгу вылзэс плитаосын но чардуганъёсын утялтӥмы. Коньдонэн юрттӥз элькунысьтымы Кун Кенешысь депутат Д.Ю. Кузнецов. Со сяна, «Удмурт Кенешлэн» ёзчиосыз бибилиотекаын ужасьёсын валче котькуд ар шайгуооссэс утялто кылбурчилэсь Алла Кузнецовалэсь но этнографлэсь, Удмурт Элькунысь наукая дано ужаслэсь Людмила Христолюбовалэсь.
Алла Кузнецовалэсь нимзэ сётӥмы Октябрь гуртысь библиотекалы. Людмила Христолюбовалы буре ваён пул дышетскем школаез борды юнматӥмы. Озьы ик шаертодосчилы, ёросысьтымы дано улосчимылы Дмитрий Петровлы сӥзем буре ваён пул усьтӥмы "- вераз Дэри ёрос ёзэтлэн кивалтӥсез Лидия Биянова.
Глаз ёросын кенешчиос Иосиф Наговицынлэсь нимзэ ӝутонын тыршо. Со удмурт автономиез кылдытӥсьёс пӧлысь одӥгез вал. 2018-тӥ арын Глаз ёросысь "Удмурт Кенеш" ёзэтлэн ёзчиосызлэн кичӧлтэменызы Наговицын нимо ёрос премия кылдытэмын вал, нош 2019-тӥ арын дышетскем школа бордаз буре ваён пул шуккемын. Туэ, Удмуртилэн кунлыкезлы 100 ар тырмон аре, Глазкарын удмурт кылэз дышетонэн гимнази классъёс усьтӥськозы. Нош азьланяз, «Удмурт Кенеш» огазеяськонлэн Глаз карысь но ёросысь ёзэтэзлэн кивалтӥсез Инесса Рябова верамезъя, кенешчиос школалы Иосиф Наговицынлэсь нимзэ сётыны ӵектонэн потыны малпало.
Оскиськом, азьланяз но, ӵошен ужаса, выль проектъёсмес улонэ пыӵатом.