Йӧскалык дышетонъя ужась группалэн кенешонэз ортчиз
18.09.20
Туннэ, 18-тӥ куарусёнэ, Кун Кенешын йӧскалык дышетонъя ужась группалэн эшшо одӥгез кенешонэз ортчиз. Сое нуиз тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез, "Удмурт Кенеш" огазеяськемлэн Тӧроез Татьяна Ишматова.
Таӵе кенешонъёслэн валтӥсь мугез - Удмуртиысь этнокультурной дышетонэз азьланьтонъя дорожной карта кылдытон.
"Туннэ нуналын удмурт кыл сярысь сюлмасько филологъёс, журналистъёс, удмурт кылъя дышетисьёс но общественникъёс. Со соослэн миссизы шуыны луоз. Нош система кылмылы азинскон сётэ, асьме улонын интызэ юнматыны юрттэ", - шуэ Татьяна Витальевна.
Йӧскалык дышетонъя ужась группа азьын туж бадӟым ужпум сылэ - удмурт кылэз туала улонын, трос калыкъёс пӧлын уже кутон вылысь ӟеч но умой луонлыкъёс кылдытон.
"Валамон ини, тросэз удмурт кылэз уг дышето улоназы кутыны кулэлыкез луымтэен. Но кыл огшоры улонын но, котькуд нунал кутиськыны но кулэ. Та юанъёс ӝутӥськыны кулэ мукет вылӥ кивалтӥсьёсын но. Нош дышетон удысэз учконо ке, семьяос, нылпи сад но школа огъя кусып кылдытыса ужаны кулэ", - вера ялан ужась ӧрилэн кивалтӥсез.
Кенешон дыръя ужась группа эскериз Удмурт Элькунын улӥсь калыкъёслы анай кылзэс дышетыны луонлыкъёсты. Соосты 2020-тӥ-2024-тӥ аръёс куспын улонэ пыӵатыны чакламын.
Озьы ик элькунысьтымы дышетонъя но тодосъя министерствоен огкылэ вуэмын: ёросъёсысь дышетон удысысь кивалтӥсьёсты люкаса, Удмурт кунамы этнокультурной образованилэсь радлыксэ кылдытонъя семинар-совещание ортчытоно.
Со сяна, вераськемын на удмурт кылэз Ижкарын дышетон пумысен но. Котькуд ёросын быръемын сыӵе нылпи садъёс но школаос, кытын удмурт кылэз дышетыны луонлыкъёс вань.
"Туннэ нуналын удмурт кыл сярысь сюлмасько филологъёс, журналистъёс, удмурт кылъя дышетисьёс но общественникъёс. Со соослэн миссизы шуыны луоз. Нош система кылмылы азинскон сётэ, асьме улонын интызэ юнматыны юрттэ", - шуэ Татьяна Витальевна.
Йӧскалык дышетонъя ужась группа азьын туж бадӟым ужпум сылэ - удмурт кылэз туала улонын, трос калыкъёс пӧлын уже кутон вылысь ӟеч но умой луонлыкъёс кылдытон.
"Валамон ини, тросэз удмурт кылэз уг дышето улоназы кутыны кулэлыкез луымтэен. Но кыл огшоры улонын но, котькуд нунал кутиськыны но кулэ. Та юанъёс ӝутӥськыны кулэ мукет вылӥ кивалтӥсьёсын но. Нош дышетон удысэз учконо ке, семьяос, нылпи сад но школа огъя кусып кылдытыса ужаны кулэ", - вера ялан ужась ӧрилэн кивалтӥсез.
Кенешон дыръя ужась группа эскериз Удмурт Элькунын улӥсь калыкъёслы анай кылзэс дышетыны луонлыкъёсты. Соосты 2020-тӥ-2024-тӥ аръёс куспын улонэ пыӵатыны чакламын.
Озьы ик элькунысьтымы дышетонъя но тодосъя министерствоен огкылэ вуэмын: ёросъёсысь дышетон удысысь кивалтӥсьёсты люкаса, Удмурт кунамы этнокультурной образованилэсь радлыксэ кылдытонъя семинар-совещание ортчытоно.
Со сяна, вераськемын на удмурт кылэз Ижкарын дышетон пумысен но. Котькуд ёросын быръемын сыӵе нылпи садъёс но школаос, кытын удмурт кылэз дышетыны луонлыкъёс вань.