"Удмурт Кенеш" огазеяськон, Удмурт кылосбуръя, финно-угроведения но журналистикая институт, "Вордскем кыл" журнал но Йӧскалык прессалэн юртэз сочинение гожтонъя "Мон – удмурт! Мон – туж шудо!" огъяросси конкурсэ пыриськыны ӧтё.

Конкурс заочной амалэн ортчоз, 6-тӥ-11-тӥ классын дышетскись нылпиос но студентъёс пӧлын. Гожтэм ужъёсты 30-тӥ оштолэзёзь monudmurt2021@yandex.ru электрон почтае кутозы. Дунъясьёс гожтэм ужъёслэсь пуштроссэ но аспӧртэмлыко луэмзэ чаклалозы, удмурт кылэз уже быгатыса кутэмез одно ик учкозы.

Вормисьёсты куартолэзьлэн пумаз шараялозы. Соосты дипломъёсын но кузьымъёсын пусъёзы. Со сяна тужгес устоосыз сочинениос "Вордскем кыл" журналын печатласькозы.

Конкурслэн йылпумъянъёсыз интыямын луозы татын, "Удмурт Кенешлэн" вотэсбамаз - udmurtkenesh.ru.

Конкурслэсь куронъёссэ пыр-почгес лыдӟемды луоз положениысь: https://vk.com/doc80367007_594800946?hash=5eb6da559156324b26&dl=6990d30c4e66f99e93