Назад к Новостям
15.04.22
Туннэ, 15-тӥ оштолэзе, "Удмурт Кенеш" огазеяськонлэн кичӧлтэмезъя Ижкарын Николай Чудотворецлы сӥзем черкын тупаса улон понна, ожгарчиосмес, калыкмес утьыны куронэн удмурт кылын вӧсяськон ортчиз.
Ижкарын удмурт кылын вӧсяськон ортчиз
"Удмурт Кенеш"-лэн Тӧроез аслаз вотэс бамаз тау кариз отец Павеллы. "Сыӵе лулысь ортчытӥз службаез. Зэм но, котькуд ӵузъяськем кыл шедьтӥз аслэсьтыз интызэ сюлэмъёсамы", - гожтӥз со.

Озьы ик Татьяна Ишматова тау кылъёссэ вераз кенешчиослы, удмуртъёслы, огазе люкаськыны быгатэмзы понна. Со пусйиз, ӵош вазиськыса сюлэмлы каньылгес луэ, оскон но юнгес пыӵа ваньмыз ӝоген тупалоз шуыса.

Николай Чудотворецлы сӥзем черк, кытын ортчыло удмурт кылын вӧсяськонъёс, интыяськемын Ижкарысь Александр Невский нимо черклэн азбараз. Татын Быдӟымнуналозь арняе удмурт службаос котькуд нунал 8 часысен ортчылозы, нош праздниклы сӥзем служба 23-тӥ оштолэзе 22 часын кутскоз но ӵукнаозь мыноз.


Вступайте в наши группы в соцсетях

Присоединяйтесь