Финн-угор нылкышноослэн форумзы ортчоз
29.03.22
8-тӥ оштолэзе Алнаш ёросысь Улын Сырьезь гуртын финн-угор нылкышноослэн "Кышномурт – калык культуралэсь узырлыксэ утись" улосвылкуспо форумзы ортчоз. Со тупатэмын Калык лулчеберетъя кылёсбурлэн арезлы но нырысетӥ удмурт нылкышно кылбурчилэн Ашальчи Окилэн вордскем нуналэзлы.
Бадӟым ужрадэз радъяло "Удмурт Кенеш" но "Удмурт нылкышно кенеш" огазеяськонъёс, Йӧскалык политикая министерство но Алнаш ёрос администрация юрттэмъя.
Форумлэн ужаз пыриськозы пӧртэм удысъёсын тыршись азинлыко нылкышноос – тодосчиос, журналистъёс, мерлыко удысысь азьветлӥсьёс, Ашальчи Оки нимо премилэн лауреатъёсыз. Удмуртиысь сяна, делегациос вуозы Татарстанысь, Башкортостанысь но Пермь улосысь.
Люкаськемъёс вераськозы кышномуртлэн калык культураез, кылэз утён, азинтон, пиналъёслы ас культуразэс гажан мылкыд пыӵатон, калыклэсь тазалыксэ юнматон но трос мукетыз пумысен.
Озьы ик ужрад дыръя Ашальчи Оки нимо йӧскалык премиез сётозы. Тодады вайтом, 2022-тӥ ар понна данъетэз басьтоз Пичи Пурга ёросысь ужысь ветеран, Удмуртиысь лулчеберет удысысь дано ужась Зинаида Титова.
Форумлэн ужаз пыриськозы пӧртэм удысъёсын тыршись азинлыко нылкышноос – тодосчиос, журналистъёс, мерлыко удысысь азьветлӥсьёс, Ашальчи Оки нимо премилэн лауреатъёсыз. Удмуртиысь сяна, делегациос вуозы Татарстанысь, Башкортостанысь но Пермь улосысь.
Люкаськемъёс вераськозы кышномуртлэн калык культураез, кылэз утён, азинтон, пиналъёслы ас культуразэс гажан мылкыд пыӵатон, калыклэсь тазалыксэ юнматон но трос мукетыз пумысен.
Озьы ик ужрад дыръя Ашальчи Оки нимо йӧскалык премиез сётозы. Тодады вайтом, 2022-тӥ ар понна данъетэз басьтоз Пичи Пурга ёросысь ужысь ветеран, Удмуртиысь лулчеберет удысысь дано ужась Зинаида Титова.