Назад к Новостям
02.04.18
Туэ 4-тӥ апреле тырме 120 ар нырысетӥ удмурт нылкышно кылбурчи, син эмъясь Ашальчи Оки (Лина Григорьевна Векшина) вордӥськем дырысен.
Все - в Грахово!
Ашальчи Окилы сӥзьыса, «Удмурт Кенеш» огазеяськон арлы быдэ бадӟым ужрадъёс ортчытъя, нош 1994-тӥ арысен кутскыса, удмурт кылэз но культураез азинтонэ трос кужымзэс, дырзэс сӥзись, мукетъёс понна адӟем карымон луись нылкышноосты Ашальчи Оки нимо йӧскалык премиен пусйылэ. Йылтыны кулэ: Ашальчи Оки нимо йоскалык премия сяна, Алнаш но Грак ёросъёсын кылдытэмын вал ёрос премиос.
Ашальчи Окилы сӥзем элькун ужрад пӧртэм интыосын радъяське. Кылем арын со ортчиз Алнашын - отын кема аръёс ӵоже улӥз но ужаз Ашальчи Оки. Кӧня ке ар талэсь азьло вал Юкаменскын - отысь Л. Векшиналэн И. Карачёв кузпалыз вал, егит семья Алнаше выжытозяз кӧня ке ар улӥз Юкаменскын. Бадӟым ужрадъёс вал Пичи Пурга ёросысь Брангуртын, Удмурт кун университетын но мукет интыосын.
Таяз арын «Ашальчи лыдӟонъёс» ортчозы Гракын - Ашальчи Окилэн вордскем палъёсаз. Ёрос культурая юртэ поэтессалэн вордӥськем нуналаз быдэс элькунысьтымы 300 пала адямиос лыктозы: со нимо-дано тодосчиос, дышетӥсьёс, дышетскисьёс, культура удысын ужасьёс, А. Оки нимо йӧскалык премилэн азьвыл но выль лауреатъёсыз но дано гожъяськисьмылэн ӵыжы-выжыосыз. Люкаськемъёс адӟозы А. Оки сярысь сценкаосты, тодозы улонысьтыз куд-ог учыръёссэ, кылозы кулбуръёссэ но солэн чуръёсызъя гожтэм кырӟанъёсты.


Вступайте в наши группы в соцсетях

Присоединяйтесь