"Удмурт нылкышно кенешлэн" 30 ар тырмонэзлы сӥзем "ДОР" марафон ортче элькунамы
11.03.23
"Удмурт нылкышно кенеш" огазеяськон 30 ар тырмонэзлы сӥзем "ДОР" марафонзэ мытӥз. Со улсын нылкышноослэн нырысетӥ пумиськонзы 11-тӥ южтолэзе Пичи Пурга ёросысь Уча гуртын ортчиз. Пумиськонзы нимаськиз: "Ашальчи Оки но удмурт нылкышноос, соослэн пуш дуннезы но тазалыксы".
Пумиськонэз нуиз "Удмурт дунне" газетлэн валтӥсь редакторез, "Удмурт нылкышно кенешлэн" кивалтӥсез Елена Миннигараева. Со вакчияк мадиз нылкышно огазеяськонлэн историез сярысь. Пусйиз, туэ огазеяськонлэн юбилеез гинэ ӧвӧл, А. Оки вордӥськем дырысен 125 ар но тырме на.
Нош А. Оки - со кылбурчи но врач вал. Соин ик "ДОР" марафонъя котькуд ёросэ вуылыны, удмурт врачъёсын, литература удысысь тодосчиосын пумиськонъёс радъяны чакламын. Нош таяз пумиськонын калыклы лекция лыдӟизы, юанъёслы валэктонъёс сётӥзы:
- литературая институтысь доцент, литературовед, кылысь кылэ берыктӥсь, писатель Вера Пантелеева. Со нырысетӥ нылкышно кылбурчи, врач - Ашальчи Оки но мукет нылкышно кылбурасьёс сярысь но макем али азинскемын нылкышно литература темая вераськиз.
- Ижысь 6 номеро больницаысь неврологияя ёзэн кивалтӥсь, врач-невролог Ольга Такаева мадиз, малы кылдэ инсульт, кызьы со бере улоно но мае чаклано, кызьы солэсь утиськоно. Люкаськемъёс трос юанъёс сётъязы.
Пумиськонэ вуылӥзы на Йӧскалык прессая юртысь, "Удмурт дунне", "Ӟечбур" газетын ужасьёс. Татын ик удмурт газет-журналъёслы гожтӥськыны, удмурт книга басьтыны луиз.
Уча (Ильинское) но Рос (Сосновка) гуртысь нылкышноос кунооссэс шулдыр кырӟанъёсын, перепечен, табанен пумитазы. Пумиськонэ Баграш-Бигра, Гожня, Улын Юри, Вуж Монья, Бобья Уча но мукет гуртъёсысь мыло-кыдо нылкышноос но вуылӥзы.
Пумиськон 3 час пала кыстӥськиз ке но, калык кошкыны ӧз дырты. Пичи Пурга ёросысь мыло-кыдо, азьветлӥсь нылкышноос, удмурт движение пыриськисьёс "Удмурт нылкышно кенеш" огазеяськонлэн Таукаронъёсыныз пусъемын вал.
Нош А. Оки - со кылбурчи но врач вал. Соин ик "ДОР" марафонъя котькуд ёросэ вуылыны, удмурт врачъёсын, литература удысысь тодосчиосын пумиськонъёс радъяны чакламын. Нош таяз пумиськонын калыклы лекция лыдӟизы, юанъёслы валэктонъёс сётӥзы:
- литературая институтысь доцент, литературовед, кылысь кылэ берыктӥсь, писатель Вера Пантелеева. Со нырысетӥ нылкышно кылбурчи, врач - Ашальчи Оки но мукет нылкышно кылбурасьёс сярысь но макем али азинскемын нылкышно литература темая вераськиз.
- Ижысь 6 номеро больницаысь неврологияя ёзэн кивалтӥсь, врач-невролог Ольга Такаева мадиз, малы кылдэ инсульт, кызьы со бере улоно но мае чаклано, кызьы солэсь утиськоно. Люкаськемъёс трос юанъёс сётъязы.
Пумиськонэ вуылӥзы на Йӧскалык прессая юртысь, "Удмурт дунне", "Ӟечбур" газетын ужасьёс. Татын ик удмурт газет-журналъёслы гожтӥськыны, удмурт книга басьтыны луиз.
Уча (Ильинское) но Рос (Сосновка) гуртысь нылкышноос кунооссэс шулдыр кырӟанъёсын, перепечен, табанен пумитазы. Пумиськонэ Баграш-Бигра, Гожня, Улын Юри, Вуж Монья, Бобья Уча но мукет гуртъёсысь мыло-кыдо нылкышноос но вуылӥзы.
Пумиськон 3 час пала кыстӥськиз ке но, калык кошкыны ӧз дырты. Пичи Пурга ёросысь мыло-кыдо, азьветлӥсь нылкышноос, удмурт движение пыриськисьёс "Удмурт нылкышно кенеш" огазеяськонлэн Таукаронъёсыныз пусъемын вал.