Михаил Иванович сярысь трос веранэз но ӧвӧл, дыр, со асьме шаерамы но, быдэс финн-угор дуннеын но тодмо адями луэ. Михаил Иванович туж яратэ вал удмурт калыкмес, соин котьку сюлмаськиз соосыз огазеясь кенеш кылдытон сярысь. Уно аръёс ӵоже кужымзэ но дырзэ жалятэк ужаз мерлыко удысын, трос йӧскалык кадръёсты будэтӥз. Мукет удмурт азьветлӥсьёсын артэ Россиын улӥсь финн-угор калыкъёсты но огазеяны быгатӥз. Финн-угор кусыпъёсты шедьтон но асьме ӵыжы-выжы луэммес шараян понна уж нуиз.

«Удмурт Кенешлэн» Тӧроез Т.В.Ишматова но огазеяськонлэн ёзчиосыз мур куректэмзэс верало М.И.Шишкинлэн ӵыжы-выжыосызлы но матысь адямиосызлы.