Назад к Новостям
30.03.22
Ужрад радъяськиз Ижкарысь Калыкъёслэн эшъяськон юртазы Лулчеберет кылёсбурлэн арез улсын.
Россиын улӥсь выжы калыкъёслэсь лулчеберетсэс но анай кылзэс азинтон ужпумъёсъя котырес ӝӧк сьӧрын кенешон ортчиз
Котырес ӝӧке пыриськизы кунысь, вузъёсысь дышетӥсьёс но Федераци Кенешлэн ёзчиосыз. Куноос вуизы Удмуртиысь, Нижний Новгородысь, Марий Элысь, Киров улосвылысь, Хакасиысь но Тываысь. Соос огкылысь пусйизы, анай кылэз но сям-йылолъёсты утёнын но азинтонын валче кариськыса ужаны кулэ шуыса.

Котырес ӝӧкын аслаз докладэныз вераськиз "Удмурт Кенешлэн" Тӧроез Татьяна Ишматова но. Со вераз, сям-йылолъёсты но кылэз азинтон элькунамы валтӥсь ужпумъёс пӧлын шуыса. "Удмурт Элькунысь кун кылъёс но Удмурт Элькунысь мукет калыкъёслэн кылъёссы сярысь" катэ таяз арын воштонъёс пыртэмын. Соос удмурт кыллэсь инлыксэ юнматонэн но азинтонэн герӟаськемын. Кутэм воштонъёсъя, банеръёсын, плакатъёсын, афишаосын, стендъёсын, цифровой видеоэкранъёсын ӟуч кылын ивортонъёс одно удмурт кылэ берыктэмын луозы.

(Татьяна Витальевналэн докладэныз тодматскыны быгатӥськоды солэн вотэсысь бамаз, яке чӧлскетъя - https://vk.com/wall7338404_20564).


Вступайте в наши группы в соцсетях

Присоединяйтесь