Пичи Пурга ёросын Василий Михайловлы буре ваён пул сӥё-дано усьтӥзы
22.05.21
Пичи Пурга ёросысь Выль Мӧнья школалэн борддор вылаз Василий Михайловлы буре ваён пул сӥё-дано усьтӥзы.
Василий Михайлович - нимо-дано кун но мер ужась, удмурт кылбурчи, публицист, журналист.
Василий Михайлович вордскиз Пичи Пурга ёросысь Выль Мӧнья гуртын крестьян семьяын. Йылпумъяз Можга педучилищеез, Свердловскысь межобластной но КПСС-лэн ЦК-езлэсь Вылӥ партшколаосты.
Педучилищезэ йылпумъяса, кӧня ке ужаса вутскиз Пичи Пурга ёросысь Улын Юри школаын. Со арын ик куарусён толэзе Василий Михайловичез Горд Армие басьтӥзы. Со пыриськиз Быдӟым оже, Украинаез, Польшаез, Германиез фашистъёслэсь мозмытонэ.
Война бере со азьланьтӥз дышетон удыссэ. Нош собере вань улонзэ сӥзиз журналистикалы. Выжиз Пичи Пурга ёрос газетэ, отын сое редакторе юнматӥзы. Собере ыстӥзы «Советской Удмуртия» газетэ. Нырысь со кивалтӥз культурая но бытъя отделэн, берло луиз редакторлэн воштӥсез. Ньыль но ӝыны арлы Василий Михайловичез басьязы Лулчеберетъя министерствое но. Отын со нырысь министрлэн воштӥсез луиз, собере - министр. Берло со выльысь берытскиз редакцие. 20 ар ӵоже кивалтӥз «Советской Удмуртия» газетэн.
Василий Михайлович мыло-кыдо пыриськиз литература удысэ. 50-тӥ аръёсысь егит кылбурчиос пӧлын со тужгес кужмоез вал. Печатласькиз «Кизили» альманахын, «Молот» журналын. Веросъёсыз, очеркъёсыз печатламын «Гуртэ сюрес», «Сюлэм вӧсь» бичетъёсын, нимаз книгаен потӥз «Натӥ» поэмаез.
Василий Михайлович 20 ар ӵоже компартилэн Удмурт обкомезлэн бюроезлэн членэз вал. 29 ар ӵоже Удмурт АССР-ысь Вылӥ Кенешлэн куать созываз сое депутатэ бырйылӥзы. Со озьы ик трос аръёс ӵоже кивалтӥз Удмуртиысь Журналистъёслэн огазеяськонэнызы, «Знание» обществоен.
Василий Михайловичлэн батыр ожмаськемез но усто ужамез пусъемын Отечественной войналэн II степенё, Горд Кизили, Ужысь Горд Знамя орденъёсын, медальёсын, УАССР- ысь Верховной Советлэн но Правительстволэн Данъян грамотаосыныз, РСФСР-ысь лулчеберет удысысь дано ужась ним сётэмын.
Тодады вайытом, Удмуртилэн кунлыкезлы 100 ар тырмонэз улсын улонысь кошкем 10 нимо-дано удмуртъёслы буре ваён пулъёс лэсьтэмын вал. Сыӵе кичӧлтонэн потӥз "Удмурт Кенеш" огазеяськон, нош лэсьтыны юрттӥз Йӧскалык политикая министрество.
Василий Михайлович вордскиз Пичи Пурга ёросысь Выль Мӧнья гуртын крестьян семьяын. Йылпумъяз Можга педучилищеез, Свердловскысь межобластной но КПСС-лэн ЦК-езлэсь Вылӥ партшколаосты.
Педучилищезэ йылпумъяса, кӧня ке ужаса вутскиз Пичи Пурга ёросысь Улын Юри школаын. Со арын ик куарусён толэзе Василий Михайловичез Горд Армие басьтӥзы. Со пыриськиз Быдӟым оже, Украинаез, Польшаез, Германиез фашистъёслэсь мозмытонэ.
Война бере со азьланьтӥз дышетон удыссэ. Нош собере вань улонзэ сӥзиз журналистикалы. Выжиз Пичи Пурга ёрос газетэ, отын сое редакторе юнматӥзы. Собере ыстӥзы «Советской Удмуртия» газетэ. Нырысь со кивалтӥз культурая но бытъя отделэн, берло луиз редакторлэн воштӥсез. Ньыль но ӝыны арлы Василий Михайловичез басьязы Лулчеберетъя министерствое но. Отын со нырысь министрлэн воштӥсез луиз, собере - министр. Берло со выльысь берытскиз редакцие. 20 ар ӵоже кивалтӥз «Советской Удмуртия» газетэн.
Василий Михайлович мыло-кыдо пыриськиз литература удысэ. 50-тӥ аръёсысь егит кылбурчиос пӧлын со тужгес кужмоез вал. Печатласькиз «Кизили» альманахын, «Молот» журналын. Веросъёсыз, очеркъёсыз печатламын «Гуртэ сюрес», «Сюлэм вӧсь» бичетъёсын, нимаз книгаен потӥз «Натӥ» поэмаез.
Василий Михайлович 20 ар ӵоже компартилэн Удмурт обкомезлэн бюроезлэн членэз вал. 29 ар ӵоже Удмурт АССР-ысь Вылӥ Кенешлэн куать созываз сое депутатэ бырйылӥзы. Со озьы ик трос аръёс ӵоже кивалтӥз Удмуртиысь Журналистъёслэн огазеяськонэнызы, «Знание» обществоен.
Василий Михайловичлэн батыр ожмаськемез но усто ужамез пусъемын Отечественной войналэн II степенё, Горд Кизили, Ужысь Горд Знамя орденъёсын, медальёсын, УАССР- ысь Верховной Советлэн но Правительстволэн Данъян грамотаосыныз, РСФСР-ысь лулчеберет удысысь дано ужась ним сётэмын.
Тодады вайытом, Удмуртилэн кунлыкезлы 100 ар тырмонэз улсын улонысь кошкем 10 нимо-дано удмуртъёслы буре ваён пулъёс лэсьтэмын вал. Сыӵе кичӧлтонэн потӥз "Удмурт Кенеш" огазеяськон, нош лэсьтыны юрттӥз Йӧскалык политикая министрество.