Назад к Новостям
28.05.21
28-тӥ куартолэзе Можга ёросысь Кватчи школалэн борддор вылаз Маргарита Григорьевна Ивановалы буре ваён пул усьтӥзы.
Можга ёросын Маргарита Ивановалы буре ваён пул усьтӥзы
Сӥё-дано ужрадэ пыриськизы "Удмурт Кенешлэн" Тӧроез Татьяна Ишматова, Можга ёросысь ёзэтмылэн кивалтӥсез Эдуард Петров, огазеяськонмылэн ёзчиосыз, Маргарита Григорьевналэн ӵыжы-выжыосыз но эшъёсыз, дышетскисьёс, Кватчиын улӥсьёс. Ужрадэ вуизы Маргарита Григорьевналэн "Иднакар" музей-заповедникын ӵош ужам юлтошъёсыз но. 2020-тӥ арысен заповедник тодосчилэсь нимзэ нуллэ.

Маргарита Григорьевна - история тодосъя доктор, археолог, Удмурт Элькунысь наука удысысь дано ужась. Со верантэм трос тыршиз удмурт калыклэсь шор дауръёсысь историзэ но культуразэ эскерон, усьтон бордын. Солэн нимыз туж тодмо Россиын но, кунгож сьӧрын но. Тодосчилэн 300 пала наукая ужъёсыз, пӧлазы 16 монография но научно-популярной книгаос, нылпиослы чаклам учебникъёс, пособиос. Гожтэм ужъёсызъя асьмеос тодӥськом, кызьы улӥллям вашкала выжыосмы Чупчи котырын. Солэн нимыз люконтэм герӟаськемын Иднакарен. Вашкала карлэсь историзэ кыре поттыса но эскерыса, со наукае бадӟым пытьы кельтӥз. Прикамьеысь такем бадӟым памятникез шедьтыса но узыр материалъёс люкаса, Маргарита Григорьевна удмурт лулчеберетлы но, историлы но выль шокчон но утчаськон сюрес сётӥз.

Маргарита Ивановалы буре ваён пул лэсьтэмын вал Удмуртилэн кунлыкезлы 100 ар тырмонлы сӥзьыса, "Удмурт Кенеш" огазеяськонлэн киӵӧлтэмезъя но Йӧскалык политикая министерство юртэмъя.


Вступайте в наши группы в соцсетях

Присоединяйтесь