Назад к Новостям
08.04.22
Туннэ Алнаш ёросысь Улын Сыръезь гуртын финн-угор нылкышноослэн "Кышномурт – калык культуралэсь узырлыксэ утись" улосвылкуспо форумзы ортчиз. Со тупатэмын вал Калык лулчеберетъя кылёсбурлэн арезлы но нырысетӥ удмурт нылкышно кылбурчилэн Ашальчи Окилэн вордскем нуналэзлы.
Финн-угор нылкышноослэн улосвылкуспо форумзы ортчиз
Бадӟым ужрадэз радъязы "Удмурт Кенеш" но "Удмурт нылкышно кенеш" огазеяськонъёс, Йӧскалык политикая министерство но Алнаш ёрос администрация юрттэмъя.

Форумлэн ужаз пыриськизы пӧртэм удысъёсын тыршись азинлыко нылкышноос – тодосчиос, журналистъёс, мерлыко удысысь азьветлӥсьёс, Ашальчи Оки нимо премилэн лауреатъёсыз. Удмуртиысь сяна, делегациос вуизы Татарстанысь, Башкортостанысь но Пермь улосысь. ​

Люкаськемъёсты пумитаса вераськизы йӧскалык политикая министр Эдуард Петров, Алнаш муниципал округлэн йырез Алексей Семенов, "Удмурт Кенеш" ассоциацилэн Тӧроез Татьяна Ишматова, "Писеевское" огазеяськонлэн кивалтӥсез Николай Михайлов, Ашальчи Окилэн племянникез Владимир Векшин, озьы ик элькунысьтымы мордва калыклэн "Умарина" огазеяськонзылэн кивалтӥсез Татьяна Шкляева, пор калыкъёслэн "Ижевск Мари" огазеяськонзылэн кивалтӥсез Николай Ямаков, бессермян калыкъёслэн "Атай" огазеяськонзылэн кивалтӥсез Алексей Караваев.

Валтӥсь докладэз лэсьтӥз Елена Миннигараева - "Удмурт нылкышно кенеш" огазеяськонлэн кивалтӥсез, "Удмурт дунне" газетлэн валтӥсь редакторез. Со вераськиз калык узырлыкез пыӵатонын туала нылкышнолэн интыез сярысь.


Вступайте в наши группы в соцсетях

Присоединяйтесь