Дэри ёросын Алла Кузнецовалы буре ваён пул усьтӥзы
27.05.21
27-тӥ куартолэзе Дэри ёросын буре вайизы дано удмурт кылбурчиез, Россиысь писательёслэн огазеяськонзылэсь ёзчизэ, Ашальчи Оки йӧскалык премилэсь лауреатсэ Алла Алексеевна Кузнецоваез.
Октябрьской черкогуртысь библиотекалэн борддор вылаз солы сӥзем буре ваён пул сӥё-дано усьтӥзы. 2016-тӥ арын та библиотека Алла Кузнецовалэсь нимзэ нуллэ.
Ужрадэ пыриськизы Дэри ёрослэн йырыз Николай Русинов, "Удмурт Кенеш" огазеяськонлэн Тӧроез Татьяна Ишматова, Удмуртиысь калык артистка но Росси Федерациысь дано артистка Валентина Пудова, удмурт кылбурчи но драматург Петр Захаров, Алла Кузнецовалэн апаез Людмила Созонова но ӵыжы-выжыосыз, удмурт нылкышно кылбурчиос Лидия Нянькина, Любовь Тихонова, Елена Миннигараева, Анастасия Шумилова, Дарали Лели, озьы ик "Удмурт Кенешлэн" ёзчиосыз, журналистъёс, дышетскисьёс.
Улонэз Алла Кузнецовалэн ноку капчи, шулдыр ӧй вал шуыса пусйизы куноос. Вордӥськиз со Дэри ёросысь Чимошур гуртын. Пичи дырыз война вакытэ, секыт, сютэм дыре ортчиз. 16 аресказ кирпич заводэ ужаны интыяськиз. Бӧрысь машиностроительной заводын фрезеровщик луыса тыршиз, огъяулонниын комендант, библиотекарь, выж миськись, книга вузась, лулчеберет юртын ужась, туберкулёзэн висисьёслы санаторийын визьнодась.
Оло, со шуг-секытъёс ик кыдатӥзы Алла Кузнецовалэсь кылбуран мылкыдзэ.
"Улонысьтыз вань учыръёссэ кагаз вылэ кисьтылӥз кадь Алла Кузнецова. Котькуд кылбурзэ сюлэм пыр поттыса, ачиз сярысь гожтылӥз кадь со, - шуиз Татьяна Ишматова. - Но вераны кулэ, туж трос секытсэ адӟоно луиз ке но, солэн сюлмыз ноку измемын ӧй вал".
Алла Кузнецова туж паймымон, ӟеч адями вал шуыса веразы мукет куноос но. Ӵемысь лыдӟисьёсыныз пумиськылон радъялляз, мыло-кыдо, быгатыса вераськеменыз котьку паймытъяз, ачиз ик кылбуръёссэ лыдӟылӥз, кырӟанъёссэ ачиз ик быдэсъяны яратӥз.
Алла Кузнецова кылбуръёс гожъяны кутскиз 16 аресысен. Нырысетӥез бичетэз 1976-тӥ арын потӥз. Отын яратонлы, шаерез гажанлы, войнае быремъёслы сӥзем кылбуръёсыз печатласькизы. Собере бӧрсьысь бӧрсе вордскизы мукетъёсыз сборникъёсыз. Тросэз кылбуръёсыз, кырӟанъёс луыса, калыке вӧлмизы.
Алла Кузнецовалы буре ваён пул лэсьтэмын вал Удмуртилэн кунлыкезлы 100 ар тырмонлы сӥзьыса, "Удмурт Кенеш" огазеяськонлэн киӵӧлтэмезъя но Йӧскалык политикая министрество юртэмъя.
Ужрадэ пыриськизы Дэри ёрослэн йырыз Николай Русинов, "Удмурт Кенеш" огазеяськонлэн Тӧроез Татьяна Ишматова, Удмуртиысь калык артистка но Росси Федерациысь дано артистка Валентина Пудова, удмурт кылбурчи но драматург Петр Захаров, Алла Кузнецовалэн апаез Людмила Созонова но ӵыжы-выжыосыз, удмурт нылкышно кылбурчиос Лидия Нянькина, Любовь Тихонова, Елена Миннигараева, Анастасия Шумилова, Дарали Лели, озьы ик "Удмурт Кенешлэн" ёзчиосыз, журналистъёс, дышетскисьёс.
Улонэз Алла Кузнецовалэн ноку капчи, шулдыр ӧй вал шуыса пусйизы куноос. Вордӥськиз со Дэри ёросысь Чимошур гуртын. Пичи дырыз война вакытэ, секыт, сютэм дыре ортчиз. 16 аресказ кирпич заводэ ужаны интыяськиз. Бӧрысь машиностроительной заводын фрезеровщик луыса тыршиз, огъяулонниын комендант, библиотекарь, выж миськись, книга вузась, лулчеберет юртын ужась, туберкулёзэн висисьёслы санаторийын визьнодась.
Оло, со шуг-секытъёс ик кыдатӥзы Алла Кузнецовалэсь кылбуран мылкыдзэ.
"Улонысьтыз вань учыръёссэ кагаз вылэ кисьтылӥз кадь Алла Кузнецова. Котькуд кылбурзэ сюлэм пыр поттыса, ачиз сярысь гожтылӥз кадь со, - шуиз Татьяна Ишматова. - Но вераны кулэ, туж трос секытсэ адӟоно луиз ке но, солэн сюлмыз ноку измемын ӧй вал".
Алла Кузнецова туж паймымон, ӟеч адями вал шуыса веразы мукет куноос но. Ӵемысь лыдӟисьёсыныз пумиськылон радъялляз, мыло-кыдо, быгатыса вераськеменыз котьку паймытъяз, ачиз ик кылбуръёссэ лыдӟылӥз, кырӟанъёссэ ачиз ик быдэсъяны яратӥз.
Алла Кузнецова кылбуръёс гожъяны кутскиз 16 аресысен. Нырысетӥез бичетэз 1976-тӥ арын потӥз. Отын яратонлы, шаерез гажанлы, войнае быремъёслы сӥзем кылбуръёсыз печатласькизы. Собере бӧрсьысь бӧрсе вордскизы мукетъёсыз сборникъёсыз. Тросэз кылбуръёсыз, кырӟанъёс луыса, калыке вӧлмизы.
Алла Кузнецовалы буре ваён пул лэсьтэмын вал Удмуртилэн кунлыкезлы 100 ар тырмонлы сӥзьыса, "Удмурт Кенеш" огазеяськонлэн киӵӧлтэмезъя но Йӧскалык политикая министрество юртэмъя.